ଜୟପୁର,୧୫ା୧୧(ପବନ ପାଣିଗ୍ରାହୀ): ଜୟପୁର ସହରର ଲିଙ୍ଗରାଜ ନଗରରେ ଏକ ବଡ଼ ଧରଣର ଚୋରି ହୋଇଛି। କେତେକ ଦୁର୍ବୁ୍ତ୍ତ ଘରେ ପଶି ଲକ୍ଷାଧିକ ଟଙ୍କାର ସୁନାଗହଣା ସହ ନଗଦ ଟଙ୍କା ଚୋରି ହୋଇଛି।
ମିଳିଥିବା ସୂଚନା ମୁତାବକ, ଲିଙ୍ଗରାଜ ନଗରରେ ରହୁଥିବା ସ୍ମୃତି ରଞ୍ଜନ ପଣ୍ଡା କାର୍ତ୍ତିକ ପୂର୍ଣ୍ଣିମା ପାଇଁ ଘରେ ତାଲା ପକାଇ ଡଙ୍ଗା ଭସାଇବାକୁ ଯାଇଥିଲେ। ସେତିକିବେଳେ ଦୁର୍ବୁ୍ତ୍ତମାନେ ଏହାର ସୁଯୋଗ ନେଇ ଘର ତାଲା ଭାଙ୍ଗି ସୁନା, ରୁପାଗହଣା ଓ ୩୦ ହଜାର ଟଙ୍କା ଚୋରି କରି ନେଇଛନ୍ତି। ମନ୍ଦିରରୁ ଫେରିବା ପରେ ଘରେ ଚୋରି ହୋଇଥିବା ନେଇ ସ୍ମୃତି ଜୟପୁର ଟାଉନ୍ ପୋଲିସକୁ ସୂଚନା ଦେଇଥିଲେ। ଅଭିଯୋଗକୁ ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଛି।