କର୍ନାଟକର କାଞ୍ଚତ୍ପୁରମ୍ ଅଞ୍ଚଳରେ ଥିବା ଏକ ପ୍ରାଚୀନ ମନ୍ଦିରର ମରାମତି ସମୟରେ ୫ଶହ ଗ୍ରାମ ସୁନା ମିଳିଥିଲା। ଏହାକୁ ଜବତ କରିବା ପାଇଁ ଆସିଥିବା ଜିଲା ପ୍ରଶାସନ ଏବଂ ଗ୍ରାମବାସୀଙ୍କ ମଧ୍ୟରେ ବିବାଦ ଦେଖାଦେଇଥିଲା। ଚେନ୍ନାଇଠାରୁ ୯୦ କିଲୋମିଟର ଦୂରରେ ଥିବା କାଞ୍ଚତ୍ପୁରମର ୩୦୦ ବର୍ଷ ପୁରୁଣା କୁଲମ୍ବଶ୍ୱର ମନ୍ଦିରର ମରାମତି କାମ ଚାଲିଥିଲା ବେଳେ ଆବର୍ଜନା ତଳେ ଏକ ଅଖା ଆବୃତ ତମ୍ବା ବାକ୍ସ ଦେଖିବାକୁ ମିଳିଥିଲା। ଯେତେବେଳେ ବାକ୍ସ ଖୋଲାଗଲା, ସେଥିରୁ ବଡ଼ ଆକାରର ସୁନା ମୁଦ୍ରା, ଛୋଟ ପିତଳ ଥାଳି, ସୁନା ପ୍ରତିମା ଏବଂ ଅଳଙ୍କାର ମିଳିଲା। ଏହାକୁ ମନ୍ଦିର କର୍ମଚାରୀ ଏବଂ ସ୍ଥାନୀୟ ଲୋକେ ଓଜନ କରିଥିଲେ। ଏହି ଖବର ସମଗ୍ର ଗାଁରେ ଚହଳ ପକାଇ ଦେଇଥିଲା।
ସୂଚନା ପାଇବା ପରେ ଜିଲାର ରାଜସ୍ବ ଅଧିକାରୀମାନେ ତାହାକୁ ଜବତ କରିବାକୁ ଘଟଣାସ୍ଥଳରେ ପହଞ୍ଚିଥିଲେ। କିନ୍ତୁ ଗ୍ରାମବାସୀ ଏହାକୁ ବିରୋଧ କରିବା ଥିଲେ।
ଗ୍ରାମବାସୀ ଯୁକ୍ତି କଲେ ଯେ, ମନ୍ଦିର ସେମାନଙ୍କ ଗାଁରେ ଅଛି ଏବଂ ଏହି ଧନ ଭଗବାନଙ୍କ ପ୍ରାପ୍ତ ଏକ ଉପହାର। ପରେ ଏହାକୁ ନ ଦେବା ପାଇଁ ଅଧିକାରୀଙ୍କ ଗାଡ଼ିକୁ ଅଟକାଇଥିଲେ। ତେବେ କାଞ୍ଚତ୍ପୁରମ ରାଜସ୍ବ ବିଭାଗ ମୂଲ୍ୟବାନ ସାମଗ୍ରୀ ଜବତ କରି ରବିବାର ଟ୍ରେଜେରିରେ ଜମା କରିଛି।
