ନୂଆଦିଲ୍ଲୀ,୨୦।୩: ପ୍ରଥମ ଥର ପାଇଁ ସୁନା ମୂଲ୍ୟ ଐତିହାସିକ ସ୍ତର ଅତିକ୍ରମ କରିଛି। ସୋମବାର ସୁନା ୧୦ ଗ୍ରାମ ପ୍ରତି ୬୦,୦୬୫ ଟଙ୍କା ରେକର୍ଡ ସ୍ତରରେ ପହଞ୍ଚିଛି। ନିବେଶକମାନେ ସେମାନଙ୍କର ନିବେଶକୁ ସୁରକ୍ଷିତ ରଖିବା ପାଇଁ ଆଜିକାଲି ସୁନାରେ ବିନିଯୋଗ କରୁଛନ୍ତି। ସୁନାରେ କ୍ରୟ ବୃଦ୍ଧି ହେତୁ ସୁନା ରେକର୍ଡ ସ୍ତରରେ କାରବାର କରୁଛି।
ଏମ୍ସିଏକ୍ସ ଉପରେ ସୁନା ସୋମବାର ସକାଳୁ ୫୯,୪୧୮ ଟଙ୍କାରେ ଖୋଲିଥିଲା। କିନ୍ତୁ କିଛି ସମୟ ପରେ ସୁନା ପ୍ରଥମେ ୬୦,୦୦୦ ଅତିକ୍ରମ କରିଥିଲା। ତା’ପରେ ୧୦ ଗ୍ରାମ ପ୍ରତି ୬୦,୪୧୮ ଟଙ୍କା ସ୍ତରରେ ପହଞ୍ଚିଲା। କେବଳ ସୁନା ନୁହେଁ, ରୂପା ମୂଲ୍ୟରେ ମଧ୍ୟ ବୃଦ୍ଧି ଘଟୁଛି। ରୂପା କିଲୋଗ୍ରାମ ପିଛା ୬୯,୦୦୦ ଟଙ୍କା ଅତିକ୍ରମ କରିଛି।
