ନୂଆଦିଲ୍ଲୀ,୩୦।୪: ଗଲ୍ଓ୍ବାନ ଉପତ୍ୟକାରେ ଚାଇନା ସୈନ୍ୟଙ୍କ ସହ ରକ୍ତାକ୍ତ ସଂଘର୍ଷ ବେଳେ ବୀରତ୍ୱର ସହ ଲଢ଼େଇ କରି ଜୀବନ ଦେଇଥିବା ନାଏକ୍ ଦୀପକ ସିଂଙ୍କ ସ୍ତ୍ରୀ ଲ୍ୟୁଟ୍ନାଣ୍ଟ ରେଖା ସିଂଙ୍କୁ ଶନିବାର ଭାରତୀୟ ସେନାରେ ସାମିଲ କରାଯାଇଛି। ଚେନ୍ନାଇର ଅଫସର୍ସ ଟ୍ରେନିଂ ଏକାଡେମୀ (ଓଟିଏ)ରେ ପ୍ରଶିକ୍ଷଣ ଶେଷ କରିବା ପରେ ସେ ସେନା ଅଧିକାରୀ ଭାବେ ଯୋଗ ଦେଇଛନ୍ତି। ସେ ପୂର୍ବ ଲଦାଖର ପ୍ରକୃତି ନିୟନ୍ତ୍ରଣ ରେଖା (ଏଲ୍ଏସି)ର ଫ୍ରଣ୍ଟ ଲାଇନରେ ପୋଷ୍ଟିଂ ହୋଇଛନ୍ତି। ଏକ ଐତିହାସିକ ଘଟଣାକ୍ରମେ ଭାରତୀୟ ସେନା ଏହାର ଆର୍ଟିଲେରି ରେଜିମେଣ୍ଟରେ ୫ ମହିଳା ସେନା ଅଫିସରଙ୍କୁ ସାମିଲ କରିଛି। ସେମାନଙ୍କ ମଧ୍ୟରୁ ୩ ଜଣ ଚାଇନା ସୀମାବର୍ତ୍ତୀ ପ୍ରକୃତ ନିୟନ୍ତ୍ରଣ ରେଖାରେ ପୋଷ୍ଟିଂ ହୋଇଛନ୍ତି। ଓଟିଏରେ ତାଲିମ ଶେଷ କରିବା ପରେ ଲ୍ୟୁଟନାଣ୍ଟ ମେହକ ସାଇନି, ଲ୍ୟୁଟନାଣ୍ଟ ସାକ୍ଷୀ ଦୁବେ, ଲ୍ୟୁଟ୍ନାଣ୍ଟ ଅଦିତି ଯାଦବ, ଲ୍ୟୁଟ୍ନାଣ୍ଟ ପିଅସ୍ ମୁଦଗିଲ୍ ଏବଂ ଲ୍ୟୁଟ୍ନାଣ୍ଟ ଆକାଂକ୍ଷା ସୈନ୍ୟବାହିନୀର ଆର୍ଟିଲେରି ୟୁନିଟ୍ରେ ଯୋଗ ଦେଇଛନ୍ତି।