ନୂଆଦିଲ୍ଲୀ,୧।୨: ଗ୍ରାହକଙ୍କ ପାଇଁ ଖୁସି ଖବର। ବଜେଟ୍ ପୂର୍ବରୁ କମର୍ସିଆଲ ଗ୍ୟାସ୍ ଦର କମିଯାଇଛି। ୧୯ କେଜି ଏଲ୍ପିଜି ସିଲିଣ୍ଡର ଦର ୭ ଟଙ୍କା କମିଛି। ଫଳରେ ଦିଲ୍ଲୀରେ ୧୯ କେଜି ଗ୍ୟାସ ସିଲିଣ୍ଡର ଦର ୧୭୯୭ ଟଙ୍କାରେ ପହଞ୍ଚିଛି। ପୂର୍ବରୁ ଏହା ୧୮୦୪ ଟଙ୍କାରେ ଉପଲବ୍ଧ ଥିଲା। ସେହିପରି ଘରୋଇ ଏଲପିଜି ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ।
ଇଣ୍ଡିଆନ ଅଏଲ୍ର ୱେବସାଇଟ ଅନୁଯାୟୀ, ଫେବୃଆରୀ ୧ରୁ ଜାତୀୟ ରାଜଧାନୀ ଦିଲ୍ଲୀରେ ୧୯ କିଲୋଗ୍ରାମର କମର୍ସିଆଲ୍ ଗ୍ୟାସ ସିଲିଣ୍ଡର ୧୮୦୪ ଟଙ୍କା ପରିବର୍ତ୍ତେ ୧୭୯୭ ଟଙ୍କାରେ ଉପଲବ୍ଧ ହେବ। କୋଲକାତାରେ ୧୯୧୧ ଟଙ୍କା ପରିବର୍ତ୍ତେ ୧୯୦୭ ଟଙ୍କାରେ ଉପଲବ୍ଧ ହେବ। ମୁମ୍ବାଇରେ ୧,୭୫୬ ଟଙ୍କାରୁ ହ୍ରାସ ପାଇ ୧୭୪୯.୫୦ ଟଙ୍କା ହୋଇଛି। ଚେନ୍ନାଇରେ ଏଲପିଜି ସିଲିଣ୍ଡରର ମୂଲ୍ୟ ୧,୯୫୯.୫୦ ଟଙ୍କାକୁ ବୃଦ୍ଧି ପାଇଛି।
ଗତ ମାସରେ ହିଁ ଇଣ୍ଡିଆନ ଅଏଲ କର୍ପୋରେସନ ୧୯ କିଲୋଗ୍ରାମ ସିଲିଣ୍ଡରର ମୂଲ୍ୟ ୧୪.୫ ଟଙ୍କା ହ୍ରାସ କରିଥିଲା।
