ନୂଆଦିଲ୍ଲୀ,୧୯।୧: ଦେଶରେ ସରକାରୀ ଯୋଜନା ମାଧ୍ୟମରେ ସମସ୍ତେ ଉପକୃତ ହେଉଛନ୍ତି। ଏହି କ୍ରମରେ ଗୋଟିଏ ଯୋଜନା ହେଉଛି ପ୍ରଧାନ ମନ୍ତ୍ରୀ କିଷାନ ସମ୍ମାନ ନିଧି ଯୋଜନା। ଏହି ଯୋଜନାରେ ବାର୍ଷିକ ୬ ହଜାର ଟଙ୍କା ଦିଆଯାଏ ଏବଂ ଏହାକୁ ୨ ହଜାର ଲେଖାଏଁ ତିନି କିସ୍ତିରେ ମିଳେ। ଏବେ ୧୬ ତମ କିସ୍ତି ଆସିବାକୁ ଯାଉଛି, ଯେଉଁଥିପାଇଁ ସମସ୍ତେ ଅପେକ୍ଷା କରିଛନ୍ତି। ଏହି କିସ୍ତି କେବେ ଆସିବ ତାହା ମଧ୍ୟ ହିତାଧିକାରୀମାନେ ଜାଣିବାକୁ ଚାହାଁନ୍ତି ।
ବର୍ତ୍ତମାନ ପର୍ଯ୍ୟନ୍ତ କୃଷକମାନେ ୧୫ କିସ୍ତିର ଲାଭ ପାଇଛନ୍ତି । ଏହି କିସ୍ତି ୧୫ ନଭେମ୍ବର ୨୦୨୩ରେ ଆସିଥିଲା ଏବଂ ୮ କୋଟିରୁ ଅଧିକ ଚାଷୀ ଏହାର ଲାଭ ପାଇଥିଲେ। ଏଭଳି ପରିସ୍ଥିତିରେ, ବର୍ତ୍ତମାନ ୧୬ ତମ କିସ୍ତି ଆସିବାକୁ ଯାଉଛି। ମିଡିଆ ରିପୋର୍ଟ ଅନୁଯାୟୀ, ଏହି କିସ୍ତି ଫେବୃଆରୀ-ମାର୍ଚ୍ଚରେ ମୁକ୍ତ ହୋଇପାରେ। ତେବେ ଏ ସମ୍ପର୍କରେ ଏକ ସରକାରୀ ଘୋଷଣାକୁ ଅପେକ୍ଷା କରାଯାଇଛି।