ନୂଆଦିଲ୍ଲୀ,୨୫।୧୦ : କେନ୍ଦ୍ରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଦୀପାବଳି ପୂର୍ବରୁ ଦେଶର ଚାଷୀଙ୍କୁ ଏକ ବଡ଼ ଉପହାର ଦେଇଛନ୍ତି। କେନ୍ଦ୍ର ମନ୍ତ୍ରୀ ଅନୁରାଗ ବୁଧବାର କହିଛନ୍ତି କେନ୍ଦ୍ର ସରକାର ସାର ଉପରେ ଗୋଟିଏ ଟଙ୍କା ମଧ୍ୟ ବୃଦ୍ଧି କରିବେ ନାହିଁ। ଏହା ବ୍ୟତୀତ କୃଷି ଜମି ଜଳସେଚନ ଯୋଜନା ସହିତ ସଂଯୁକ୍ତ ହେବ। ଏହା ସହିତ ଏନବିଏସ ଅଧୀନରେ ଥିବା ଚାଷୀଙ୍କୁ ସାର ସବସିଡି ପ୍ରଦାନ କରାଯିବ।
ସୂଚନା ଅନୁଯାୟୀ ବୁଧବାର ପିଏମ ମୋଦିଙ୍କ ଅଧ୍ୟକ୍ଷତାରେ ଏକ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଅନେକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ ନିଷ୍ପତ୍ତି ନିଆଯାଇଥିଲା। ସେସବୂ ମଧ୍ୟରେ ସବୁଠାରୁ ବଡ ନିଷ୍ପତ୍ତି ଦେଶର କୃଷକମାନଙ୍କ ବିଷୟରେ ଥିଲା। ବୈଠକ ପରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କ୍ୟାବିନେଟ ନିଷ୍ପତ୍ତି ସମ୍ପର୍କରେ ଗଣମାଧ୍ୟମକୁ ସୂଚନା ଦେଇଛନ୍ତି। ସେ କହିଛନ୍ତି ସରକାର ନିଷ୍ପତ୍ତି ନେଇଛନ୍ତି ସୋରର ମୂଲ୍ୟ ସାରା ଦେଶରେ ଗୋଟିଏ ଟଙ୍କା ମଧ୍ୟ ବୃଦ୍ଧି ପାଇବ ନାହିଁ। ଏହା ସହିତ କୃଷକମାନଙ୍କ ପାଇଁ ସାର ସବସିଡି ମଧ୍ୟ ଜାରି ରହିବ ବୋଲି ସେ କହିଛନ୍ତି। ତେଣୁ ସାର ମୂଲ୍ୟ ଉପରେ କୌଣସି ପ୍ରଭାବ ପଡ଼ିବ ନାହିଁ।
କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି କେନ୍ଦ୍ର ସରକାର ସର୍ବଦା କୃଷକମାନଙ୍କର ଶୁଭେଚ୍ଛା ଓ ସହାନୁଭୂତି ପ୍ରଦର୍ଶନ କରିଆସୁଛନ୍ତି। ଅନ୍ତର୍ଜାତୀୟ ବଜାରରେ ସାରର ମୂଲ୍ୟ ବୃଦ୍ଧି ପାଇଛି, କିନ୍ତୁ ଆମ ଚାଷୀଙ୍କ ଉପରେ ଭାର ଆଦୌ ବୃଦ୍ଧି ପାଇବ ନାହିଁ। ୧ ଅକ୍ଟୋବର ୨୦୨୩ ରୁ ଆସନ୍ତା ବର୍ଷ ମାର୍ଚ୍ଚ ୩୧ ପର୍ଯ୍ୟନ୍ତ କୃଷକମାନଙ୍କୁ ପୂର୍ବ ପରି ସବସିଡି ଦିଆଯିବ। ରବି ଋତୁ ୨୦୨୩-୨୪ ପାଇଁ ଫସଫରସ ଏବଂ ପଟାସ ସାର ଉପରେ ସବସିଡି ଯୋଗାଇ ଦିଆଯାଇଛି ।