ନୂଆଦିଲ୍ଲୀ,୨୪।୫: ଆପଣ ‘ଗୁଗୁଲ ପେ’ ବ୍ୟବହାର କରନ୍ତି କି? ଯଦିି ଆପଣ ଗୁଗୁଲ ପେ’ ବ୍ୟବହାରକାରୀ, ତେବେ ଆପଣଙ୍କ ପାଇଁ ଖୁସି ଖବର । ଏଣିକି ଆପଣ ଆକାଉଣ୍ଟରୁ ଟଙ୍କା ନ କଟିବନି ଆଉ ଆପଣ ଗୁଗୁଲ ପେ’ରେ ପେମେଣ୍ଟ କରିପାରିବେ । ୟୁଜର୍ସଙ୍କ ପାଇଁ ଏମିତି କିଛି ନୂଆ ଧମକାଦାର ଫିଚର ଆଣିଛି ଗୁଗୁଲ ପେ’ । ତେବେ ଏହି ଫିଚରର ନାଁ ରଖାଯାଇଛି ‘Buy Now Pay Later’ । ଯେଉଁଥିରେ ୟୁଜର୍ସ ନିଜ ବ୍ୟାଙ୍କ ଆକାଉଣ୍ଟରୁ ଟଙ୍କା ନ କଟି, ଗୁଗୁଲ ପେ’ରୁ ପେମେଣ୍ଟ କରିପାରିବେ ।
ସୂଚନା ମୁତାବକ, ୟୁଜର୍ସ ପ୍ରଥମେ ଗୁଗୁଲ ପେ’ର ବାଏ ନାସ ପେ ଲେଟର ଅପ୍ସନୁରୁ ପେମେଣ୍ଟ କରିପାରିବେ । ପରେ ସେ ଟଙ୍କା ଦେଇପାରିବେ । ଅର୍ଥାତ କ୍ରେଡିଟ କାର୍ଡ ଭଳି ଏହାର ବ୍ୟବହାର କରିପାରିବେ । ଏଥିପାଇଁ ଗ୍ରାହକଙ୍କୁ ଇନଷ୍ଟଲମେଣ୍ଟ ଅପ୍ସନକୁ କ୍ଲିକ କରିବାକୁ ପଡିବ । ଏଥିରେ ଆପଣ ପେମେଣ୍ଟ କରିଥିବା ଟଙ୍କାକୁ ଇନଷ୍ଟଲମେଣ୍ଟ ଆକାରରେ ଦେଇପାରିବେ । ଯାହାକି ଗ୍ରାହକଙ୍କ ପାଇଁ ଏକ ଭଲ ଅପ୍ସନ ବୋଲି କୁହାଯାଉଛି ।
ଗୁଗୁଲ ପେ ଏହି ନୂଆ ଫିଚର ସହିତ ଅନ୍ୟ ଦୁଇଟି ଫିଚର ମଧ୍ୟ ସାମିଲ କରିଛି । ଏଥିରେ କ୍ରୋମ ଏବଂ ଆଣ୍ଡ୍ରୋଏଡରେ ଅଟୋଫିଲ ଅପ୍ସନ ଦିଆଯାଇଛି । ଅର୍ଥାତ ଗୁଗୁଲ ପେ’ରେ ପେମେଣ୍ଟ କରିିବା ଏଣିକି ଅତ୍ୟନ୍ତ ସହଜ ହେବ।
