ଓ୍ବାଶିଂଟନ,୨୨।୪: ଆମେରିକା ଯାଇ ସେଠାରେ ଚାକିରି କରିବାର ସ୍ବପ୍ନ ଦେଖୁଥିବା ଲୋକଙ୍କ ପାଇଁ ଖୁସି ଖବର। କାରଣ ଚଳିତ ବର୍ଷ ଭାରତୀୟଙ୍କୁ ୧୦ ଲକ୍ଷ ଭିଜା ଜାରି କରାଯାଇପାରେ। ଏମିତି କୁହାଯାଉଛି କି ଓ୍ବାର୍କ ଭିଜାକୁ ବି ପ୍ରାଥମିକତା ଦିଆଯିବ।
ଦକ୍ଷିଣ ଓ ମଧ୍ୟ ଏସିଆର ଆମେରିକା ସହାୟକ ବୈଦେଶିକ ମନ୍ତ୍ରୀ ଡୋନାଲ୍ଡ ଲୁ ନିକଟରେ ପିଟିଆଇକୁ ଏକ ଇଣ୍ଟରଭ୍ୟୁ ଦେଇଛନ୍ତି। ଏହି ସମୟରେ ସେ କହିଛନ୍ତି କି ଓ୍ବାର୍କ ଭିଜାକୁ ବି ପ୍ରାଥମିକତା ଦିଆଯାଉଛି। ଏଥିରେ ଏଚ-୧ବି ଓ ଏଲ ଭିଜା, ଯାହା ଭାରତର ଆଇଟି ପ୍ରଫେସନ ଥିବା ଲୋକଙ୍କର ସବୁଠାରୁ ଅଧିକ ଡିମାଣ୍ଡ କରାଯାଉଥିବା ଭିଜାରେ ସାମିଲ ଅଛି।
ଆମେରିକା ପକ୍ଷରୁ ପ୍ରତ୍ୟେକ ବର୍ଷ ପ୍ରାୟ ୮୫ ହଜାର ଏଚ-୧ବି ଭିଜା ଜାରି କରାଯାଉଛି। ଏଥିରୁ ପ୍ରାୟ ୨୦ ହଜାର ଭିଜା ଏମିତି ରହିଛି ଯାହା ଆମେରିକାର ୟୁନିଭର୍ସିଟିରେ ପାଠପଢିବା ପାଇଁ ଯାଉଥିବା ଷ୍ଟୁଡେଣ୍ଟଙ୍କୁ ଦିଆଯାଉଛି। ଏପଟେ ଭାରତୀୟଙ୍କ ଦ୍ୱାରା ଏଚ-୧ବି ଭିଜା ସବୁଠାରୁ ଅଧିକ ଡିମାଣ୍ଡ ରହିଛି।
