ନୂଆଦିଲ୍ଲୀ,୧୩।୧୧: ଇପିଏଫଓ ହିତାଧିକାରୀଙ୍କ ପାଇଁ ଖୁସି ଖବର। କର୍ମଚାରୀ ପ୍ରୋଭିଡେଣ୍ଟ ପାଣ୍ଠି ସଂଗଠନ ପକ୍ଷରୁ ଏହାର ହିତାଧିକାରୀଙ୍କ ପାଇଁ ୨୦୨୨-୨୩ ପାଇଁ ସୁଧ ହାର ଆକାଉଣ୍ଟକୁ ପଠାଇବା ଆରମ୍ଭ କରିଛି। ଇପିଏଫଓ ଆକାଉଣ୍ଟରେ ସୁଧ ହାର ହେଉଛି ୮.୨ ପ୍ରତିଶତ। ଯାହା କେନ୍ଦ୍ରୀୟ ଟ୍ରଷ୍ଟି ବୋର୍ଡ ସହିତ ପ୍ରତିବର୍ଷ ଅର୍ଥ ମନ୍ତ୍ରଣାଳୟ ଦ୍ୱାରା ସ୍ଥିର ହୋଇଥାଏ। ୨୦୨୩ବର୍ଷ ବିଷୟରେ କଥାବାର୍ତ୍ତା କରି ସରକାର ଜୁନ ମାସରେ ଏହାର ସୁଧ ହାର ଘୋଷଣା କରିଥିଲେ।
ସୋସିଆଲ ମିଡିଆରେ କର୍ମଚାରୀମାନେ କ୍ରମାଗତ ଭାବରେ ଇପିଏଫଓକୁ ପଚାରୁଥିଲେ ସେମାନଙ୍କ ଆକାଉଣ୍ଟକୁ ସୁଧ କେବେ ସ୍ଥାନାନ୍ତର ହେବ। ଏହା ଉପରେ ଇପିଏଫଓ କହିଛି ଏହାର ପ୍ରକ୍ରିୟା ଆରମ୍ଭ ହୋଇଛି ଏବଂ ସମସ୍ତ ଆକାଉଣ୍ଟଧାରୀମାନେ ଚଳିତ ବର୍ଷ ସୁଧ ଟଙ୍କା ପାଇବେ।
ତେବେ କିପରି ପିଏଫ ବାଲାନ୍ସ ଯାଞ୍ଚ କରିପାରିବ । ଏଥିପାଇଁ ହିତାଧିକାରୀ ମେସେଜ, ମିସ କଲ କିମ୍ବା ଉମଙ୍ଗ ଆପର ସାହାଯ୍ୟ ନେଇପାରିବେ। ମେସେଜ ପାଇଁ ୭୭୩୮୨୯୯୮୯୯ ବ୍ୟବହାର କରିହେବ। ଏଥିସହ, ଯଦି ଏକ ମିସ କଲ ମାଧ୍ୟମରେ ବାଲାନ୍ସ ଯାଞ୍ଚ କରିବାକୁ ଚାହୁଁଥିବା ହିତାଧିକାରୀ ପଞ୍ଜୀକୃତ ମୋବାଇଲରୁ ୦୧୧-୨୨୯୦୧୪୦୬ରେ ଏକ ମିସ କଲ ଦେଇ ବାଲାନ୍ସ ଯାଞ୍ଚ କରି ହେବ।
ଉମଙ୍ଗ ଆପରେ ଇପିଏଫଓ ବିଭାଗକୁ ଯାଇ ଭ୍ୟୁ ପାସବୁକ ଚୟନ କରିବାକୁ ପଡିବ। ଏହା ପରେ, କର୍ମଚାରୀ ସେଣ୍ଟ୍ରିକ ସେବା ଉପରେ କ୍ଲିକ କରିବାକୁ ପଡିବ ଏବଂ ଓଟିପି ଦାଖଲ କରିବାକୁ ପଡିବ। ଯାହା ପଞ୍ଜୀକୃତ ମୋବାଇଲରେ ଆସିବ। ଏହା ଦାଖଲ କରିବା ମାତ୍ରେ ତୁମର ପିଏଫ ବାଲାନ୍ସ ଦେଖିହେବ।