ଭୁବନେଶ୍ୱର,୨୮।୯: ଉତ୍ତମ ସ୍ବାସ୍ଥ୍ୟ ପାଇଁ ଉତ୍ତମ ପୋଷଣଯୁକ୍ତ ଖାଦ୍ୟର ଆବଶ୍ୟକତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏପରିକି ଉତ୍ତମ ପୋଷଣଯୁକ୍ତ ଖାଦ୍ୟ ହେଉଛି ଇନ୍ଧନ, ଯାହା ସ୍ବାସ୍ଥ୍ୟର ଅଭିବୃଦ୍ଧି ଏବଂ ଶାରୀରିକ ବିକାଶକୁ ଆଗକୁ ବଢ଼ାଇଥାଏ ଏବଂ ଜୀବନ ସାରା ରୋଗକୁ ରୋକିବାରେ ତାହା ସାହାଯ୍ୟ କରିଥାଏ ବୋଲି ୧୪ତମ ଆପୋଲୋ ଅନ୍ତର୍ଜାତୀୟ କ୍ଲିନିକାଲ୍ ପୋଷଣ ଅପ୍ଡେଟ୍ (ଏଆଇସିଏନ୍ୟୁ)ର ଉଦ୍ଘାଟନୀ ଉସତ୍ବରେ ମୁଖ୍ୟ ଅତିଥି ଭାବେ ଯୋଗଦେଇ ମନ୍ତ୍ରୀ ଅତନୁ ସବ୍ୟସାଚୀ ନାୟକ କହିଛନ୍ତି। ସେହିଭଳି ଦିନକୁ ଦିନ ବୃଦ୍ଧି ପାଉଥିବା ଅଣ ସଂକ୍ରାମକ ରୋଗ (ଏନ୍ସିଡି)କୁ ଦୃଷ୍ଟିରେ ରଖି ଆମେ ସାମୂହିକ ଭାବେ କୁପୋଷଣର ମୁକାବିଲା ପାଇଁ ଯୁଦ୍ଧ କରିବା ଆବଶ୍ୟକ। ଏହି ରୋଗର ପ୍ରତିରୋଧ ପାଇଁ ପୁଷ୍ଟିକର ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ କେତେକ କ୍ଷେତ୍ରରେ ରୋଗର ପୂର୍ବାନୁମାନ ଏବଂ ଫଳାଫଳକୁ ପ୍ରମାଣ ସିଦ୍ଧ କରିବାରେ ମଧ୍ୟ ଏହା ପ୍ରଭାବଶାଳୀ ବୋଲି ପ୍ରମାଣିତ ହୋଇଛି ବୋଲି ଆପୋଲୋ ହସ୍ପିଟାଲ ଗ୍ରୁପ୍ର ଫାଉଣ୍ଡର ଚେୟାରମ୍ୟାନ ପଦ୍ମଶ୍ରୀ ଡା.ପ୍ରତାପ ସି ରେଡ୍ଡୀ କହିଛନ୍ତି।
ଆପୋଲୋ ହସ୍ପିଟାଲ ଏଣ୍ଟରପ୍ରାଇଜ୍ ଲିମିଟେଡ୍ର ଗ୍ରୁପ୍ ଡାଇରେକ୍ଟର ମେଡିକାଲ୍ ସର୍ଭିସେସ୍ ଡା. ଅନୁପମ ସିବଲ୍ କହିଛନ୍ତି,ଆମେ ଜନ୍ମ ହେବାର ପ୍ରଥମ ଦିନରୁ ହିଁ ଉପଯୁକ୍ତ ପୋଷଣଯୁକ୍ତ ଖାଦ୍ୟ ଖୁଆଇବାର ଅନେକ ତଥ୍ୟ ପ୍ରମାଣ ଥିଲେ ମଧ୍ୟ ଜନ୍ମର ଏକଘଣ୍ଟା ମଧ୍ୟରେ ମାଆ କ୍ଷୀର ଖୁଆଇବାଠାରୁ ପୋଷଣଯୁକ୍ତ ଖାଦ୍ୟର ଏଜେଣ୍ଡା ଅସମାପ୍ତ ରହିଛି। ଭିଡିଓ କନ୍ଫରେନ୍ସ ଜରିଆରେ ଉକ୍ତ ସମାବେଶକୁ ସମ୍ବୋଧିତ କରି ଆପୋଲୋ ହସ୍ପିଟାଲ ଏଣ୍ଟରପ୍ରାଇଜ୍ ଲିମିଟେଡ୍ର କାର୍ଯ୍ୟନିର୍ବାହୀ ଅଧ୍ୟକ୍ଷ ସୁଶ୍ରୀ ପ୍ରିଥା ରେଡ୍ଡୀ କହିଥିଲେ, ଉକ୍ତ ସମ୍ମିଳନୀ ଜନସାଧାରଣ ତଥା ହସ୍ପିଟାଲ କ୍ଷେତ୍ରରେ ପୋଷଣ ସମ୍ପର୍କରେ ଏବଂ ପୋଷଣର ସାମ୍ପ୍ରତିକି ପରିସ୍ଥିତି ବିଷୟରେ ବ୍ୟାପକ ବୁଝାମଣା ପ୍ରତିଷ୍ଠା କରିବ ଏବଂ ସମାଜ ଉପରେ ସକାରାମତ୍କ ପ୍ରଭାବ ପକାଇବ।