ଚେନ୍ନାଇ,୨୧ା୧୨: ଆଜି ଅର୍ଥାତ୍ ଡିସେମ୍ବର ୨୧ରେ ତାମିଲନାଡୁ ତଥା ଚେନ୍ନାଇ ସୁପର କିଙ୍ଗ୍ସର ଉଦୀୟମାନ ଦ୍ରୁତ ବୋଲର ୟୋ ମହେଶଙ୍କ ଜନ୍ମଦିନ। ସେ ଆଜି ୩୩ ବର୍ଷରେ ପଦାର୍ପଣ କରିଛନ୍ତି। ତାଙ୍କର ପ୍ରକୃତ ନାଁ ହେଉଛି ବିଜୟ କୁମାର ମହେଶ। ମହେଶ ଆଜିର ଏହି ଖୁସି ଦିନରେ କ୍ରିକେଟକୁ ବାଏ ବାଏ କହିବା ସହ ବିସିସିଆଇକୁ ଧନ୍ୟବାଦ ଜଣାଇଛନ୍ତି। ଏନେଇ ସେ ଟୁଇଟ୍ କରି କହିଛନ୍ତି, ଭାରତ ପାଇଁ ଅଣ୍ଡର-୧୯ ଓ ତାଲିକା ‘ଏ’ରେ ବିସିସିଆଇ ମୋତେ ଖେଳିବାର ସୁଯୋଗ ଦେଇଥିବାରୁ ଧନ୍ୟବାଦ ଜଣାଉଛି।
ସ୍ମରଣଯୋଗ୍ୟ, ମହେଶ ଆଇପିଏଲରେ ପ୍ରଥମେ ଦିଲ୍ଲୀ ଡେୟାରଡେଭିଲ୍ସ ସହ ଚୁକ୍ତି କରି ଚେନ୍ନାଇ ସୁପର କିଙ୍ଗ୍ସ ପାଇଁ ମ୍ୟାଚ୍ ଖେଳିଥିଲେ। ୨୦୦୬ରେ ଶ୍ରୀଲଙ୍କାରେ ଅନୁଷ୍ଠିତ ଅଣ୍ଡର-୧୯ ବିଶ୍ୱକପ୍ରେ ମଧ୍ୟ ଭାରତୀୟ ଟିମ୍ରେ ସାମିଲ ହୋଇଥିଲେ। ସେ ତାମିଲନାଡୁ ପାଇଁ ୪୬ଟି ଟି-୨୦ ମ୍ୟାଚ୍ ଖେଳିଥିଲେ।