ଲଣ୍ଡନ/ଲକ୍ଷ୍ନୌ,୧୬।୩: ଉତ୍ତରପ୍ରଦେଶ ବୁନ୍ଦେଲଖଣ୍ଡରୁ ଦେଶ ରାଜ୍ୟ ସହ ବିଶ୍ୱରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ‘ଗୋଲାପୀ ଗ୍ୟାଙ୍ଗ’ର ଜିନିଷ ବର୍ତ୍ତମାନ ଲଣ୍ଡନର ବ୍ରିଟିଶ୍ ମ୍ୟୁଜିୟମ୍ରେ ରଖାଯିବ। ଗୋଲାପୀ ଗ୍ୟାଙ୍ଗର ପୋଷାକ ଯଥା- ଗୋଲାପୀ ରଙ୍ଗର ଶାଢ଼ୀ, ବ୍ଲାଉଜ୍, ସାୟା ଏବଂ ବାଡ଼ି ରଖାଯିବା ପାଇଁ ଦାବି କରାଯାଇଛି। ମ୍ୟୁଜିୟମ୍ର ମୁଖ୍ୟ ସମ୍ପତ ପାଲଙ୍କୁ ଯୋଗାଯୋଗ କରି ତାଙ୍କ ପୋଷାକ ପଠାଇବାକୁ କହିଥିଲେ। ତେବେ ଏହାକୁ ନେଇ ଏହି ଗ୍ୟାଙ୍ଗର କମାଣ୍ଡର ସମ୍ପତ ପାଲ ଖୁସିବ୍ୟକ୍ତ କରିଛନ୍ତି। ସମ୍ପତ ମହିଳାଙ୍କ ଅଧିକାର ପାଇଁ ଗାଁରୁ ସହର ପର୍ଯ୍ୟନ୍ତ ଅନେକ ଆନ୍ଦୋଳନ କରିଛନ୍ତି। ଏହି ସଂଗଠନ କେତେକ ମହିଳାଙ୍କୁ ନେଇ ଗଠିତ ହୋଇଥିବା ବେଳେ ଏମାନଙ୍କର ବେଶଭୁଷା ଗୋଲାପୀ ରହିଛି। ଲୋକଙ୍କ ମୌଳିକ ସମସ୍ୟାର ସମାଧାନ ପାଇଁ ସମ୍ପତ ସବୁବେଳେ ଆଗରେ ରୁହନ୍ତି। ଏହି ଆନ୍ଦୋଳନରେ ଲଗାତର ସଫଳତା ପରେ ସମ୍ପତଙ୍କ ଆତ୍ମବିଶ୍ୱାସ ବୃଦ୍ଧି ପାଇବା ସହ ତାଙ୍କର ନାମ ଦେଶରୁ ବିଦେଶ ପର୍ଯ୍ୟନ୍ତ ଚର୍ଚ୍ଚା ସାଉଁଟିଥିଲା। ବିଶେଷକରି ଗୋଲାପୀ ଗ୍ୟାଙ୍ଗର ପ୍ରଭାବ ବୁନ୍ଦେଲଖଣ୍ଡ ଅଞ୍ଚଳରେ ଅଧିକ ରହିଛି।
