ଇସ୍ଲାମାବାଦ,୨୨ ।୧୧: ପାକିସ୍ତାନରେ ଡିଜିଟାଲ ମିଡିଆକୁ ନେଇ ହୋଇଥିବା ନୂଆ ନିୟମ ଯୋଗୁ ଏବେ ଉଠିଛି ବିବାଦ । ଏହାକୁ ନେଇ ଗୁଗୁଲ ,ଫେସବୁକ୍, ଟୁଇଟର ଭଳି ବଡ ଟେକ୍ କମ୍ପାନୀ ଦେଶ ଛାଡିବାକୁ ଧମକ ଦେଇଛନ୍ତି । ନୂଆ ନିୟମ ଅନୁଯାୟୀ, ଇମ୍ରାନ ସରକାର ମିଡିଆ ରେଗୁଲେଟରକୁ କଣ୍ଟେଣ୍ଟକୁ ନେଇ ସେନସରଶିପକୁ ଅଧିକ ଅଧିକାର ଦେଇ ଦେଇଛନ୍ତି । ଏବେ କମ୍ପାନୀ ଏହି ଆଇନକୁ ବିରୋଧ କରୁଛନ୍ତି । ଗୁଗୁଲ ଫେସେବୁକ ଓ ଟୁଇଟରର ପ୍ରତିନିଧିତ୍ୱ କରୁଥିବା ସଙ୍ଗଠନ ଏସିଆ ଇଣ୍ଟରନେଟ୍ କୋଲିଜନ(ଏଆଇସି) ଗୁରୁବାର ଡନକୁ ଦେଇଥିବା ଏକ ବୟାନ ଅନୁଯାୟୀ, ଇଣ୍ଟରନେଟ କମ୍ପାନୀକୁ ସୂଚିତ କରୁଥିବା ନୂଆ ନିୟମ ଓ ସରକାରଙ୍କ ଅପାରଦର୍ଶୀ ପ୍ରକ୍ରିୟାକୁ ନେଇ ଚିନ୍ତା ପ୍ରକଟ କରିଛି ଯାହାକୁ ନେଇ ଏହି ନିୟମ ଲାଗୁ କରାଯାଇଛି । ସୂଚନାଯୋଗ୍ୟ, ଇଲୋକ୍ଟ୍ରନିକ ଅପରାଧ ନିବାରଣ ଆଇନ ୨୦୧୬ ଅନ୍ତର୍ଗତ ନୂଆ ନିୟମ ରିମୁଭାଲ ଆଣ୍ଡ ବ୍ଲକିଂ ଅଫ୍ ଅନଲଫୁଲ ଅନ୍ ଲାଇନ୍ କଣ୍ଟେଣ୍ଟ୨୦୨୦ ଜାରି କରିଛନ୍ତି । ନୂଆ ନିୟମ ଆଧାରରେ ସୋସିଆଲ ମିଡିଆ କମ୍ପାନୀକୁ ଡାଟା ବା ତଥ୍ୟ ଯାଞ୍ଚ ଏଜେନ୍ସିକୁ ଦେବାକୁ ପଡିପାରେ । ଏଥିରେ ସବ୍ସ୍କ୍ରାଇବରର ସୂଚନା, ଟ୍ରାଫିକ ଡେଟା ଓ ୟୁଜର ଡେଟା ଭଳି ସମ୍ବେଦନଶୀଳ ତଥ୍ୟ ବି ସାମିଲ ହୋଇପାରେ ।
