ନୂଆଦିଲ୍ଲୀ: ଯଦି ଆପଣ ଗୁଗଲ ପେ’ରୁ ପଇସା ନେଣଦେଣ କରୁଛନ୍ତି ତେବେ ଏହି କଥା ଜାଣିବା ନିହାତି ବହୁତ ଜରୁରୀ । ଡିଜିଟାଲ ପ୍ଲାଟଫର୍ମ ଗୁଗଲ ପେ’ ଆଗାମୀ ବର୍ଷ ଜାନୁୟାରୀରୁ ନିଜ ପିୟର-ଟୁ-ପିୟର ପେମେଣ୍ଟ ସୁବିଧାକୁ ବନ୍ଦ କରିବାକୁ ଯାଉଛି । ଏହା ବଦଳରେ କମ୍ପାନୀ ପକ୍ଷରୁ ଇନ୍ଷ୍ଟାଣ୍ଟ ମନି ଟ୍ରାନ୍ସଫର ପେମେଣ୍ଟ ସିଷ୍ଟମ ଯୋଡ଼ା ଯିବ, ଯାହାକୁ ବ୍ୟବହାର କଲେ ଗ୍ରାହକଙ୍କୁ ଚାର୍ଜ ଦେବାକୁ ପଡ଼ିବ ।
ସୂଚନା ଅନୁସାରେ, ଏବେ କମ୍ପାନୀ ଏହି ଚାର୍ଜକୁ ନେଇ କୌଣସି ସୂଚନା ଶେୟାର କରିନି । ବର୍ତ୍ତମାନ ଗ୍ରାହକ ଗୁଗଲ ପେ’ ଆପ ଓ pay.google.com ଉଭୟ ପ୍ଲାଟଫର୍ମ ଜରିଆରେ ଟ୍ରାଞ୍ଜାକ୍ସନ କରିଥାନ୍ତି। କିନ୍ତୁ ଏବେ ଗୁଗଲ ଏକ ନୋଟିସ ଜାରି କରି ୟୁଜର୍ସଙ୍କୁ ନୋଟିଫାଇ କରିଛି କି ତାର ଓ୍ବେବ୍ ପେମେଣ୍ଟ ସର୍ଭିସ ଆଗାମୀ ବର୍ଷ ଜାନୁୟାରୀରୁ ଆଉ କାମ କରିବନି ।
9to5Googleର ରିପୋର୍ଟ ଅନୁସାରେ ୨୦୨୧ର ପ୍ରାରମ୍ଭରେ ୟୁଜର୍ସ pay.google.com ପ୍ଲାଟଫର୍ମରେ ଯାଇ ପଇସା ପଠାଇ ପାରିବେନି କିମ୍ବା ପାଇ ପାରିବେନି ମଧ୍ୟ। ପଇସା ଟ୍ରାନ୍ସଫର କରିବା ପାଇଁ ସେମାନଙ୍କୁ ଗୁଗଲ ପେ’ ଆପ ବ୍ୟବହାର କରିବାକୁ ପଡ଼ିବ । ଏହା ବଦଳରେ ଗୁଗଲ ଏକ ନୂଆ ପେମେଣ୍ଟ ଆପ ଆଣିବା ପାଇଁ ପ୍ରସ୍ତୁତ ହେଉଛି । ତେବେ ଦେଖିବାକୁ ରହିଲା ଏଥିରେ କେତେ ଚାର୍ଜ ଲାଗୁଛି ।
