ବେଜିଂ,୪ ।୧୦: ବିଶ୍ୱର ସବୁଠାରୁ ବଡ ସର୍ଚ୍ଚ ଇଞ୍ଜିନ ଗୁଗଲ ତା’ର ଟ୍ରାନ୍ସଲେଶନ ସର୍ଭିସକୁ ବନ୍ଦ କରି ଦେଇଛି । ତେବେ ଏହା ମେନଲାଣ୍ଡ ଚାଇନାରେ କରାଯାଇଛି ବୋଲି ସୂଚନା ମିଳିଛି । ଫଳରେ ଚାଇନାକୁ ବଡ ଝଟ୍କା ଲାଗିଛି । ଏହା ପୂର୍ବରୁ ଗୁଗଲ ତା’ର ପ୍ରଡକ୍ଟସର ମ୍ୟାନୁଫ୍ରାକ୍ଚରିଂ ଚାଇନାରୁ ଅଲଗା ଦେଶକୁ ସିଫ୍ଟ କରିଥିଲା । ଏହାପରେ ଏବେ ଗୁଗଲ ଟ୍ରାନ୍ସଲେଟ ସର୍ଭିସକୁ ବନ୍ଦକରି ଦେଇଛି । ସୂଚନାଯୋଗ୍ୟ, ଚାଇନା ଅଧିକାଂଶ ଦେଶର ସୋସିଆଲ ମିଡିଆ କମ୍ପାନୀ ଦ୍ୱାରା ଉପଲବ୍ଧ କରାଯାଉଥିବା ଅଧିକାଂଶ ସେବା ଉପରେ ପ୍ରତିବନ୍ଧକ ଲଗାଇ ରଖିଛି । ଗୁଗଲ ଟ୍ରାନ୍ସଲେଟ ଚାଇନାରେ ଗୁଗଲ ଦ୍ୱାରା ଉପଲବ୍ଧ କରାଯାଉଥିବା ଗୁରୁତ୍ୱପୂର୍ଣ୍ଣ ସେବା ମଧ୍ୟରୁ ଗୋଟିଏ ଥିଲା ଯାହାକୁ ଏବେ ବନ୍ଦ କରି ଦିଆଯାଇଛି ।
ମିଳିଥିବା ସୂଚନା ଅନୁଯାୟୀ, ଚାଇନା ଆମେରିକା ଟେକ କମ୍ପାନୀ ଟ୍ରାନ୍ସଲେଟ ସର୍ଭିସର କମ ବ୍ୟବହାର ଯୋଗୁ ବନ୍ଦ କରି ଦେଇଛି । ଚାଇନାରେ ଟ୍ରାନ୍ସଲେସନ ୱେବସାଇଟ ଖୋଲିବାକୁ ନେଇ ଏବେ ଏକ ସାମାନ୍ୟ ‘ସର୍ଚ ବାର’ ଓ ‘ଲିଙ୍କ’ ନଜର ଆସିଛି । ଏହାକୁ କ୍ଲିକ କରିବା ପରେ ଏହା ହଂଗକଂଗରେ ଉପଲବ୍ଧ କମ୍ପାନୀର ୱେବପେଜକୁ ନେଇ ଯାଉଛି ଏହି ୱେବ ପେଜ ଚାଇନା ସହ ପ୍ରତିବନ୍ଧିତ ରହିଛି ।
ଚାଇନାର ଅନେକ ଉପଭୋକ୍ତା ନିଜ ସୋସିଆଲ ମିଡିଆ ପୋଷ୍ଟରେ ଶନିବାର ‘ଗୁଗଲ ଟ୍ରାନ୍ସଲେଟ’ ସେବା ବ୍ୟବହାର ନ କରିପାରିବାର ସୂଚନା ଦେଇଛନ୍ତି । ସେମାନେ କହିଛନ୍ତି ଗୁଗଲର କ୍ରୋମ ବ୍ରାଉଜରରେ ଉପଲବ୍ଧ ଅନୁବାଦ ଫିଚର ବି ଏବେ ଚାଇନାରେ କାମ କରୁନାହିଁ ।