ନୂଆଦିଲ୍ଲୀ: ସର୍ଚ୍ଚ ଇଞ୍ଜିନ ଗୁଗଲର ଇ-ମେଲ୍ ସମେତ ଜି-ମେଲ୍ ସହ ଅନ୍ୟ ବିଭିନ୍ନ ସେବା ସୋମବାର ଅପରାହ୍ନରେ ବାଧାପ୍ରାପ୍ତ ହୋଇଛି। କେଉଁ କାରଣ ଯୋଗୁ ସେବାରେ ବାଧା ଆସିଲା ସେ ନେଇ କମ୍ପାନୀ କିଛି ସ୍ପଷ୍ଟ କରିନାହିଁ। ଅଗଷ୍ଟ ମାସରେ ମଧ୍ୟ ଗୁଗଲ ସେବା ଲାଭ କରିବାରେ ଲୋକମାନେ ବିଭିନ୍ନ ସମସ୍ୟା ସାମ୍ନା କରିଥିଲେ। କିଛି ଉପଭୋକ୍ତାଙ୍କ ଲାଗି ସେବାକୁ ପୁଣି ଥରେ ଆରମ୍ଭ କରାଯାଇଥିବା ସନ୍ଧ୍ୟା ୬ଟା୧୭ ମିନିଟ ସମୟରେ ଗୁଗଲ ପକ୍ଷରୁ ଗୁଗଲ ଓ୍ବାର୍କସ୍ପେସ୍ ଷ୍ଟେଟସ ଡ୍ୟାସ୍ବୋର୍ଡ ସୂଚନା ଦିଆଯାଇଥିଲା। ସବୁ ଉପଭୋକ୍ତାଙ୍କ ଲାଗି ସେବାକୁ ପୁଣି ଥରେ ଶୀଘ୍ର ସ୍ବାଭାବିକ କରିବା ନେଇ ଆଶାବାଦୀ ବୋଲି କମ୍ପାନୀ ସ୍ପଷ୍ଟ କରିଥିଲା। ସନ୍ଧ୍ୟା ୫ଟା ୨୫ରେ ଇ-ମେଲ୍ ସେବା ଜିସୁଟର ମୁଖ୍ୟ ପୃଷ୍ଠାରେ ଲେଖାଯାଇଥିଲା ଯେ, ଜିମେଲ୍ ସେବା ବାଧାପ୍ରାପ୍ତ ହେବା ଯୋଗୁ ଉପଭୋକ୍ତାଙ୍କୁ ବିଭିନ୍ନ ସମସ୍ୟା ସାମ୍ନା କରିବାକୁ ପଡିଛି। ଏଥିଯୋଗୁ ଉପଭୋକ୍ତା ଜିମେଲ୍ ସେବା ଲାଭ କରିବାକୁ ସକ୍ଷମ ହୋଇନାହାନ୍ତି। ଗୁଗଲର ଅନ୍ୟ ସେବା ଯଥା ଗୁଗଲ କ୍ୟାଲେଣ୍ଡର, ଗୁଗଲ ଡ୍ରାଇଭ, ଗୁଗଲ ଡକ୍ସ, ଗୁଗଲ ମିଟ୍ ମଧ୍ୟ ପ୍ରଭାବିତ ହୋଇଛି। ଗୁଗଲର ଜିମେଲ ଏବଂ ୟୁଟୁବ ସେବା ମଧ୍ୟ ବାଧାପ୍ରାପ୍ତ ହୋଇଥିବା ନଜରକୁ ଆସିଛି। ଲୋକମାନେ ଏହାକୁ ନେଇ ଟୁଇଟରେ ନିଜର ଅସନ୍ତୋଷ ବ୍ୟକ୍ତ କରିଥିଲେ।