ବ୍ରଜରାଜନଗର,୭।୨(ଡି.ଏନ୍.ଏ.): ମନ୍ତ୍ରୀ ନବ କିଶୋର ଦାସ ହତ୍ୟା ଘଟଣାରେ ପୋଲିସ ମଙ୍ଗଳବାର ସିନ୍ ରିକ୍ରିଏଶନ୍ କରିଛି। ଅଭିଯୁକ୍ତ ଗୋପାଳ ଦାସଙ୍କୁ କ୍ରାଇମ୍ ସ୍ପଟକୁ ନିଆଯାଇ ସେଠାରେ ଡେମୋ ଦେଖାଯାଇଛି। କିପରି ଏତେ ଲୋକଙ୍କ ମଧ୍ୟରେ ସୁରକ୍ଷା ଦାୟିତ୍ବରେ ଥିବା ଜଣେ ପୋଲିସ ଲୋକଙ୍କୁ ଏଡାଇ ମନ୍ତ୍ରୀଙ୍କୁ ଅତି ପାଖରୁ ଗୁଳି କରିଛନ୍ତି ତାହା ଦେଖାଉଛନ୍ତି ଗୋପାଳ। ଗତ ୨୯ ତାରିଖରେ ଗୋପାଳ ବ୍ରଜରାଜନଗର ଗାନ୍ଧୀଛକରେ ମନ୍ତ୍ରୀକୁ ଗୁଳି କରିଥିଲେ। କ୍ରାଇମବ୍ରାଞ୍ଚ ଓ ପୋଲିସର ଉପସ୍ଥିତିରେ ଘଟଣା ସମ୍ପର୍କିତ ଗୋପାଳଙ୍କୁ ଅଧିକ ପଚରାଉଚରା କରାଯାଇ ସେଦିନ ସେ କିପରି ଗୁଳିକଲେ କିପରି ସେ ମନ୍ତ୍ରୀଙ୍କ ନିକଟତର ହେଉଥିଲେ କେଉଁ ସମୟରେ ସେ ଗୁଳିଚାଳନା କଲେ ତାହାର ଅବିକଳ ନକଲ ଦେଖାଉଛନ୍ତି ଗୋପାଳ।