ନୂଆଦିଲ୍ଲୀ,୨୫।୭: ଦେଶ ମଧ୍ୟରେ ବିମାନ ଯାତ୍ରା ଲାଗି ସରକାର ଭଡା ଉପରେ ନଭେମ୍ବର ୨୪ ଯାଏ କଟକଣା ଲଗାଇଛନ୍ତି। ବିମାନ ଭଡା ସର୍ବନିମ୍ନ ୨୦୦୦ ଟଙ୍କାରୁ ୬,୫୦୦ ଟଙ୍କା ମଧ୍ୟରେ ଲାଗୁ ହେବ ବୋଲି ଜଣାପଡିଛି। ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଶନିବାର ଏଭଳି ସୂଚନା ଦିଆଯାଇଛି। କରୋନା ଯୋଗୁ ମେ ମାସଠାରୁ ସରକାର ବିମାନ ଭଡା ଉପରେ ଏଭଳି ସୀମା ଲଗାଇଛନ୍ତି। ଲକଡାଉନ ପାଇଁ ବନ୍ଦ ରହିଥିବା ବିମାନ ସେବା ମେ ମାସ ୨୫ ଠାରୁ ପୁଣି ଥରେ ଆରମ୍ଭ କରାଯାଇଛି। ଅପରପକ୍ଷରେ କଲିକତାରେ କରୋନା କଟକଣା ଚଳିତ ମାସ ୨୫ରୁ ୨୯ ତାରିଖ ଯାଏ ସେଠାକାର ବିମାନ ବନ୍ଦରକୁ କୌଣସି ଫ୍ଲାଇଟ ଉଡାଣ କରିବ ନାହିଁ।