ନୂଆଦିଲ୍ଲୀ,୩।୩: ଜମ୍ମୁ-କଶ୍ମୀର ସରକାର ଏବଂ ଅମରନାଥ ଶ୍ରାଇନ୍ ବୋର୍ଡ ପକ୍ଷରୁ ଚଳିତ ବର୍ଷର ଅମରନାଥ ଯାତ୍ରା ପାଇଁ ପ୍ରସ୍ତୁତି ଆରମ୍ଭ ହୋଇଛି। ଚଳିତଥର ସେନାର ରୋଡ ୱିଙ୍ଗର ଇଞ୍ଜିନିୟରମାନଙ୍କୁ ସାହାଯ୍ୟ କରିବାକୁ ମୁତୟନ କରାଯାଇଛି। ଅମରନାଥ ଯାତ୍ରାର ଇତିହାସରେ ପ୍ରଥମ ଥର ପାଇଁ ଅମରନାଥ ଯାତ୍ରା ଟ୍ରାକର ରକ୍ଷଣାବେକ୍ଷଣ ସାମଗ୍ରିକ ନିୟନ୍ତ୍ରଣର ବର୍ଡର ରୋଡ ଅର୍ଗାନାଇଜେସନ୍ (ବିଆରଓ)କୁ ହସ୍ତାନ୍ତର କରାଯାଇଛି। ଅଧିକାରୀଙ୍କ କହିବାନୁସାରେ, ବାର୍ଷିକ ଅମରନାଥ ଯାତ୍ରା ପାଇଁ ପ୍ରସ୍ତୁତିର ଏକ ଅଂଶ ଭାବେ ଜମ୍ମୁ-କଶ୍ମୀର କର୍ତ୍ତୃପକ୍ଷ ବାଲ ତାଲ ପାର୍ଶ୍ୱରୁ ଅମରନାଥ ଗୁମ୍ଫା ପର୍ଯ୍ୟନ୍ତ ବରଫ ସଫା କରିବାକୁ ନିର୍ଦ୍ଦେଶ ଦେଇଛନ୍ତି। ଏତଦ୍ ବ୍ୟତୀତ ପାଣିପାଗ ସ୍ଥିତିକୁ ଆଧାର କରି ପ୍ରଶାସନ ପାଇଁ ଏକ ଯୋଜନା ପ୍ରସ୍ତୁତ କରାଯାଇଛି। ଚଳିତ ବର୍ଷ ଏହି ଯାତ୍ରା ଜୁନ ୩୦ରୁ ଆରମ୍ଭ ହେବ ଏବଂ ଅଗଷ୍ଟ ୧୧ ରେ ରକ୍ଷାବନ୍ଧନରେ ଶେଷ ହେବ। ସରକାରଙ୍କ ଅନୁମୋଦନ ପରେ ଖୁବ୍ଶୀଘ୍ର ବିଆରଓ ଦ୍ୱାରା ତୁଷାର ସଫା କାର୍ଯ୍ୟ ଆରମ୍ଭ ହୋଇଛି ଏବଂ ବେସ କ୍ୟାମ୍ପରୁ ଅମରନାଥ ଗୁମ୍ଫା ପର୍ଯ୍ୟନ୍ତ ଯନ୍ତ୍ରପାତି ଏବଂ ନୂତନ ଟେକ୍ନୋଲୋଜି ସହିତ ସଜ୍ଜିତ ଶ୍ରମିକମାନଙ୍କୁ ନିୟୋଜିତ କରାଯାଇଛି।