ନୂଆପଡ଼ା,୧୪।୧(ମକାରୁ ବେମାଲ): ୩୫୩ ନମ୍ବର ଜାତୀୟ ରାଜପଥ ନୂଆପଡା ଜିଲା କୋମନା ଥାନା ତରବୋଡ ସମ୍ଭବ ମାନିଗୁଡା ଛକ ନିକଟରେ ରବିବାର ଏକ ବସ୍-କାର୍ ମୁହାଁମୁହିଁ ଧକ୍କା ହୋଇଛି। ଫଳରେ ଦୁର୍ଘଟଣାରେ ୧୦ରୁ ଊର୍ଦ୍ଧ୍ୱ ଗୁରୁତର ଆହତ ହୋଇଛନ୍ତି। ଏଥିରେ ଗୁରୁତର ୬ଜଣ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ଖରିଆର ରୋଡରୁ ବଲାଙ୍ଗୀର ଯାଉଥିବା ଏକ ସରକାରୀ ଯାତ୍ରୀବାହୀ ବସ୍ ସହ ବିପରିତ ଦିଗରୁ ଆସୁଥିବା ଏକ କାର ସହ ମୁହଁାମୁହିଁ ଧକ୍କା ହେଇଥିଲା। କାରରେ ବସିଥିବା ୬ଜଣ ଗୁରୁତର ଆହତ ହୋଇ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ୬ ଗୁରୁତର କୋମନା ବନ ବିଭାଗ କର୍ମଚାରୀ ବୋଲି ଜଣାପଡିଛି। ସେମାନେ ହେଲେ ଫରେଷ୍ଟର ଗୋପାଲ ମହାନନ୍ଦ, ତ୍ରିବିକ୍ରମ ନାଏକ, ଖଗେଶ୍ୱର ଦୁରିଆ, କୁଞ୍ଜ ବାଗ, ରାଜେଶ ହରିଜନ, କନ୍ଦର୍ପ ସୁନାନୀ। ବସରେ ଯାଉଥିବା ୧୪ଜଣ ଯାତ୍ରୀ ମଧ୍ୟରୁ ୪ଜଣ ଆହତ ହେବାରୁ ତରବୋଡ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା ପରେ ଘରକୁ ପଠାଇ ଦିଆଯାଇଛି।