![](https://www.dharitri.com/wp-content/uploads/2024/07/WhatsApp-Image-2024-07-25-at-4.14.31-PM.jpeg)
ଭୁବନେଶ୍ୱର,୨୫।୭: ରାଜ୍ୟରେ ମୌସୁମୀ ବର୍ଷା ଜାରି ରହିଥିଲା ବେଳେ ହଇଜା, ମ୍ୟାଲେରିଆ, ଡେଙ୍ଗୁ ସ୍ଥିତିକୁ ନିୟନ୍ତ୍ରଣରେ ରଖିବା ପାଇଁ ସରକାର ସମସ୍ତ ଜିଲାପାଳ, ମୁନିସିପାଲ କମିଶନରଙ୍କୁ ନିର୍ଦ୍ଦେଶ ଦେଇଛନ୍ତି। ବର୍ଷା ଦିନରେ ହଇଜାରେ ପ୍ରାୟ ୧୦ ବର୍ଷରୁ କମ୍ ଶିଶୁ ମୃତ୍ୟୁହାରରେ ପ୍ରାୟ ୧୦% ଯୋଗଦାନ କରିଥାନ୍ତି। ଯାହାକୁ ନେଇ ସରକାର ସତର୍କ ରହିଛନ୍ତି। ତେଣୁ ଏହାକୁ କିପରି ରୋକାଯାଇ ପାରିବ ଏବଂ ଔଷଧ ପ୍ରଦାନ କରିବା ସହ ପିଲାଙ୍କୁ ପର୍ଯ୍ୟାପ୍ତ ପୁଷ୍ଟିକର ଖାଦ୍ୟ ପ୍ରଦାନ କରିବାକୁ ଗୁରୁତ୍ୱ ଦିଆଯାଇଛି।
ପ୍ରତିବର୍ଷ ମୌସୁମୀ ସମୟରେ ହଇଜାରେ ପଡ଼ି ଅନେକ ଶିଶୁ ମୃତ୍ୟୁ ବରଣ କରୁଥିବାରୁ ସରକାର ଏହି ପଦକ୍ଷେପ ନେଇଛନ୍ତି। ଶିଶୁ ମୃତ୍ୟୁ ହାରକୁ କମାଇବା ପାଇଁ ଇଣ୍ଟେନ୍ସିଫାଏଡ୍ ଡାଇରିଆ ନିୟନ୍ତ୍ରଣ କାର୍ଯ୍ୟକ୍ରମ ସରକାରଙ୍କ ପକ୍ଷରୁ କରାଯାଏ। ଚଳିତ ବର୍ଷ ଏହି ଅଭିଯାନକୁ ‘ଷ୍ଟପ୍ ଡାଇରିଆ’ ଅଭିଯାନ ନାମରେ ନାମିତ କରାଯାଇଛି।
ମୌସୁମୀ ସମୟରେ ରାଜ୍ୟରେ ଡାଇରିଆ ଏବଂ ମଶା, ମାଛି ଦ୍ୱାରା ବ୍ୟାପୁଥିବା ରୋଗ ଯଥା ମ୍ୟାଲେରିଆ, ହଇଜା, ଡେଙ୍ଗୁ, ଯକ୍ଷ୍ମା ଏବଂ କୁଷ୍ଠ ରୋଗର ଚିହ୍ନଟ ରୋଗୀଙ୍କ ଚିକିତ୍ସା ଏବଂ ଗର୍ଭବତୀ ମହିଳାମାନଙ୍କ ପାଇଁ ପରୀକ୍ଷା କରାଯାଇନଥିବା ମାମଲା ଏବଂ ଚିହ୍ନଟ ମାନଙ୍କୁ ଚିକିତ୍ସା ଯୋଗାଇବାକୁ ସରକାର ବିଭିନ୍ନ ପଦକ୍ଷେପ ନେଇଥାନ୍ତି।
ଏହାରି ମଧ୍ୟରେ ଗାଁ, ବସ୍ତି ଏବଂ ବିଦ୍ୟାଳୟ ସ୍ତରରେ ଅଶନ, ଏଡବ୍ଲୁଡବ୍ଲୁ ଏବଂ ଏଏନଏମ ମାନଙ୍କ ଦ୍ୱାରା ଲୋକମାନଙ୍କୁ ବୁଝାଇବା, ବିଦ୍ୟାଳୟରେ ହାତ ଧୋଇବା କାର୍ଯ୍ୟକ୍ରମ କରିବା ଏବଂ ଶିକ୍ଷାଗତ ସଚେତନତା କାର୍ଯ୍ୟକ୍ରମ କରିବା, ଏବଂ ପରିମଳ ଏବଂ ସ୍ୱଚ୍ଛତା ପାଇଁ ସଚେତନତା ସୃଷ୍ଟି କାର୍ଯ୍ୟକଳାପ, ସବୁ ସ୍ତରରେ ହାତ ଧୋଇବା ଭଳି ଉପାଦାନଗୁଡ଼ିକ ଉପରେ ସଚେତନତା ସୃଷ୍ଟି କାର୍ଯ୍ୟକ୍ରମ ଚାଲିଛି। ଏଠାରେ ସମସ୍ତ ପରିବାରକୁ ପ୍ରୋଫାଇଲାକ୍ଟିକ୍ ଓଆରଏସ ପ୍ୟାକେଟ୍ ଏବଂ ଜିଙ୍କ ଟ୍ୟାବଲେଟ୍ ବଣ୍ଟନ (ଘର ପ୍ରତି ୨ ପ୍ୟାକେଟ୍ ଏବଂ ଘରର ପ୍ରତ୍ୟେକ ପାଞ୍ଚ ବର୍ଷରୁ କମ୍ ପିଲାଙ୍କ ପାଇଁ ୧ ପ୍ୟାକେଟ୍) ପ୍ରଦାନ କରାଯାଉଛି।