ନୂଆଦିଲ୍ଲୀ,୨୨।୧୨: ଦେଶରେ ଚାଇନାରେ ଆତଙ୍କ ଖେଳାଇଥିବା ଓମିକ୍ରନର ସବ୍ଭାରିଆଣ୍ଟ ବିଏଫ.୭ ଚିହ୍ନଟ ହେବା ପରେ ଆକ୍ସନ ମୋଡ୍ରେ ଆସିଛନ୍ତି ସରକାର। ଗୁରୁବାର ଅପରାହ୍ନରେ ପ୍ରଧାନମନ୍ତ୍ରୀ ମୋଦି କୋଭିଡ ସ୍ଥିତିର ସମୀକ୍ଷା କରିବେ। ଏହାପୂର୍ବରୁ ଲୋକ ସଭାରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ କହିଛନ୍ତି, ଗତ କିଛି ଦିନ ହେବ ବିଶ୍ୱରେ କୋଭିଡଙ୍କ ମାମଲା ବଢିବାରେ ଲାଗିଛି କିନ୍ତୁ ଭାରତରେ ଏହି ମାମଲା ହ୍ରାସ ପାଉଛି। ଆମେ ଚାଇନାରେ ବଢୁଥିବା କୋଭିଡ ମାମଲା ଏବଂ ମୃତ୍ୟୁକୁ ଦେଖୁଛୁ। ଆମେ ଗ୍ଲୋବାଲ କୋଭିଡ ପରିସ୍ଥିତି ଉପରେ ନଜର ରଖିଛୁ ଏବଂ ସେହି ଅନୁଯାୟୀ ପଦକ୍ଷେପ ନେଉଛୁ। ଏଥି ସହିତ ସେ ମାସ୍କ ପିନ୍ଧିବା ଏବଂ ସାନିଟାଇଜର ପ୍ରୟୋଗ କରିବାକୁ ସେ ଅନୁରୋଧ କରିଥିଲେ। ବର୍ତ୍ତମାନ ଗୋଟିଏ ଦିନରେ ହାରାହାରି ୧୫୩ଟି କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
