ନୂଆଦିଲ୍ଲୀ,୩୧।୧: ପ୍ରବେଶିକା ପରୀକ୍ଷାରେ ପ୍ରଶ୍ନପତ୍ର ଲିକ୍ କିମ୍ବା କୌଣସି ପ୍ରକାର ଠକାମୀ ରୋକିବାକୁ ସଂସଦର ବଜେଟ୍ ଅଧିବେଶନରେ ଏକ ବିଲ୍ ଆଣିବାକୁ ଯୋଜନା କରୁଛନ୍ତି କେନ୍ଦ୍ର ସରକାର। ଏଭଳି ଖଳ ପ୍ରକୃତିର ଲୋକମାନଙ୍କ ପାଇଁ ଅନେକ ମେଧାବୀ ଛାତ୍ରୀଛାତ୍ରମାନଙ୍କ ଉପରେ ପ୍ରତିକୂଳ ପ୍ରଭାବ ପକାଇଥାଏ ବୋଲି।
ସୂତ୍ରରୁ ପ୍ରକାଶ ଯେ ସର୍ବସାଧାରଣ ପରୀକ୍ଷା ବିଲରେ ଏଭଳି କାର୍ଯ୍ୟକୁ ରୋକିବାକୁ ସରକାର କଡ଼ା ଦଣ୍ଡବିଧାନ କରିବାକୁ ଯୋଜନା କରୁଛନ୍ତି। ଅତୀତରେ ବିଭିନ୍ନ ରାଜ୍ୟର ଛାତ୍ରମାନେ ପ୍ରଶ୍ନପତ୍ର ଲିକ୍ ସମେତ ଅପବ୍ୟବହାର ପାଇଁ ପରୀକ୍ଷା ବାତିଲ ହେତୁ ଅସୁବିଧାର ସମ୍ମୁଖୀନ ହୋଇଥିଲେ।
ପ୍ରତିଯୋଗିତାମୂଳକ ତଥା ପ୍ରବେଶିକା ପରୀକ୍ଷାକୁ ଲକ୍ଷ୍ୟ ରଖି ଏହି ବିଲ୍ ଏକ ଉଚ୍ଚ ସ୍ତରୀୟ ବୈଷୟିକ କମିଟି ଗଠନ କରି ସାଧାରଣ ପରୀକ୍ଷାରେ ସାଇବର ସୁରକ୍ଷା ଚ୍ୟାଲେଞ୍ଜର ମୁକାବିଲା କରିବ। ବର୍ତ୍ତମାନ ସମୟରେ ଏଭଳି ସମସ୍ୟାର ମୁକାବିଲା କରିବା ପାଇଁ ଜାତୀୟ ସ୍ତରରେ କୌଣସି ନିର୍ଦ୍ଦିଷ୍ଟ ପ୍ରମୂଖ ଆଇନ ନାହିଁ ଯାହା ବ୍ୟକ୍ତି, ସଂଗଠିତ ଗୋଷ୍ଠୀ କିମ୍ବା ଅନ୍ୟ କୌଣସି ଏଜେନ୍ସି କିମ୍ବା ସଂଗଠନ ଦ୍ୱାରା ଗ୍ରହଣ କରାଯାଇଥିବା କିମ୍ବା ଅପରାଧର ମୁକାବିଲା କରିପାରିବ।
ସୂତ୍ରରୁ ପ୍ରକାଶ ଯେ ଏହି ନୂତନ ବିଲ୍ ଆଇନରେ ପରିଣତ ହେଲେ ଅପରାଧୀଙ୍କୁ ୧୦ ବର୍ଷ କାରାଦଣ୍ଡ ଏବଂ ଏକ କୋଟି ଟଙ୍କା ଜୋରିମାନା କରାଯିବ। ଅପରାଧ ଜାମିନ ବିହୀନ ହେବାର ସମ୍ଭାବନା ରହିଛି। ଏହି ବିଲ୍ ଆସନ୍ତା ସପ୍ତାହରେ ସଂସଦରେ ଆଗତ ହୋଇପାରେ। ତେବେ ଏହା ଛାତ୍ରୀଛାତ୍ରଙ୍କୁ କୌଣସି ପ୍ରକାର ସମସ୍ୟାରେ ପକାଇବ ନାହିଁ। ଏହାଦ୍ୱରା ବିଭିନ୍ନ ପରୀକ୍ଷାରେ ଅଧିକ ସ୍ୱଚ୍ଛତା, ନ୍ୟାୟ ଆଣିବା ଏହି ବିଲ୍ର ଉଦ୍ଦେଶ୍ୟ ବୋଲି ଅଧିକାରୀମାନେ କହିଛନ୍ତି।