ନୂଆଦିଲ୍ଲୀ,୧୦।୧୧ : ଦିଲ୍ଲୀରେ ଉପରାଜ୍ୟପାଳ ଭି.କେ ସାକ୍ସେନା ଏବଂ ଆମ ଆଦମୀ ପାର୍ଟି (ଏଏପି) ସରକାର ମଧ୍ୟରେ ବିବାଦ ଥମିବାର ନା ଧରୁନି। ମୁଖ୍ୟନ୍ତ୍ରୀ ଅରବିନ୍ଦ କେଜରିୱାଲଙ୍କ ନେତୃତ୍ୱାଧୀନ ସରକାର ବର୍ତ୍ତମାନ ସୁପ୍ରିମକୋର୍ଟରେ ଉପରାଜ୍ୟପାଳଙ୍କ ବିରୋଧରେ ଅଭିଯୋଗ କରିଛନ୍ତି।
ଅଭିଯୋଗରେ ଦର୍ଶାଯାଇଛି ଯେ ଉପରାଜ୍ୟପାଳ ସମସ୍ତ କାର୍ଯ୍ୟରେ ହସ୍ତକ୍ଷେପ କରୁଛନ୍ତି ଏବଂ ନିର୍ବାଚିତ ସରକାରଙ୍କ ବିରୋଧରେ ଅମଲାତନ୍ତ୍ରଙ୍କୁ ପ୍ରବର୍ତ୍ତାଉଛନ୍ତି। ସୁପ୍ରିମକୋର୍ଟରେ ଦାଖଲ ହୋଇଥିବା ସତ୍ୟପାଠରେ କେଜ୍ରିୱାଲ ସରକାର କହିଛନ୍ତି ଯେ ଉପରାଜ୍ୟପାଳ ଦିଲ୍ଲୀ ସରକାରଙ୍କୁ ଲାଇନଚ୍ୟୁତ କରିଛନ୍ତି।
ସତ୍ୟପାଠରେ କୁହାଯାଇଛି ଯେ ଉପରାଜ୍ୟପାଳ ନିଜ କ୍ଷମତାର ଅପବ୍ୟବହାର କରି ଦିଲ୍ଲୀର ଜାତୀୟ ରାଜଧାନୀ ଅଞ୍ଚଳରେ ଏକ ସମାନ୍ତରାଳ ବ୍ୟବସ୍ଥା ଚଳାଇଛନ୍ତି।
