ବଲିଉଡ୍ରେ ଗୋଟିଏ ସମୟ ଥିଲା ଯେତେବେଳେ ଅଭିନେତା ଗୋବିନ୍ଦାଙ୍କ ରାଜ୍ ଥିଲା। କିନ୍ତୁ ଏବେ ଗୋବିନ୍ଦାଙ୍କ ସମସାମୟିକ ଅଭିନେତା ଫିଲ୍ମରେ ସକ୍ରିୟ ଥିବାବେଳେ ସେ ପଛରେ ପଡିଯାଇଛନ୍ତି। ଯଦିଓ, ସେ କିଛି ଫିଲ୍ମରେ ମଧ୍ୟ ଅଭିନୟ କରିଥିଲେ, କିନ୍ତୁ ପୂର୍ବ ପରି ଦର୍ଶକଙ୍କୁ ଆକୃଷ୍ଟ କରି ପାରି ନ ଥିଲେ। ସେ ହୁଏତ ଫିଲ୍ମରେ ସଫଳ ହୋଇ ନ ଥାଇପାରନ୍ତି କିନ୍ତୁ ଏହା ରୋଜଗାର କରିବାରେ ସେ ପଛରେ ନାହାନ୍ତି। ସେ ଆଜି ବି କୋଟି କୋଟି ଟଙ୍କା ରୋଜଗାର କରୁଛନ୍ତି। ଗୋବିନ୍ଦା ହୁଏତ ତାଙ୍କର ଦ୍ୱିତୀୟ ଇନିଂସରେ ସଫଳ ହୋଇ ନାହାନ୍ତି, କିନ୍ତୁ ଆଜିବି ତାଙ୍କ ଲକ୍ଷ ଲକ୍ଷ ପ୍ରଶଂସକ ଅଛନ୍ତି। ଏହି କାରଣରୁ ସେ ଅନେକ ପ୍ରକାରର ବିଜ୍ଞାପନ ଏବଂ ଡ୍ୟାନ୍ସ ରିଆଲିଟି ଶୋ’ରେ ନଜର ଆସୁଛନ୍ତି । ଗୋବିନ୍ଦାଙ୍କର ତିନିଟି ବଙ୍ଗଳା ଅଛି, ଯାହା ମୁମ୍ବାଇ ଏବଂ ଏହାର ଆଖପାଖରେ ଅଛି। ଏଥିରୁ ସେ ବର୍ଷକୁ ୧୬ କୋଟିରୁ ଅଧିକ ରୋଜଗାର କରନ୍ତି। ସେ ତାଙ୍କ ପରିବାର ସହିତ ଜୁହୁରେ ଥିବା ତାଙ୍କ ବଙ୍ଗଳାରେ ରୁହନ୍ତି। ଏହା ବ୍ୟତୀତ ତାଙ୍କର ମର୍ସିଡିଜ ବେଞ୍ଜ ପରି ମହଙ୍ଗା କାର୍ ଅଛି। ଅଭିନେତାଙ୍କ ମୋଟ ସମ୍ପତ୍ତି ପ୍ରାୟ ୧୫୧ କୋଟି ଟଙ୍କା ବୋଲି କୁହାଯାଉଛି। ଗୋବିନ୍ଦା ଅନେକ ରିଅଲ ଇଷ୍ଟେଟ ସମ୍ପତ୍ତିରେ ବିନିଯୋଗ କରିଛନ୍ତି। ଏହା ବ୍ୟତୀତ ସେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ କୋଟି କୋଟି ଟଙ୍କା ରୋଜଗାର କରନ୍ତି।
ଫିଲ୍ମ କ୍ୟାରିୟର୍ ଆରମ୍ଭରେ ଗୋବିନ୍ଦା ଏକ ଆକ୍ସନ ଏବଂ ଡ୍ୟାନ୍ସ ହିରୋ ଭାବରେ ଜଣାଶୁଣା ଥିଲେ। ପରେ ସେ କମେଡିରେ ଫିଲ୍ମ କରିଥିଲେ। ଏଥିଥିରେ ସେ ବହୁତ ସଫଳ ହୋଇଥିଲେ। ସେ ‘କୁଲି ନମ୍ବର-୧’, ‘ରାଜା ବାବୁ’ ଏବଂ ‘ହିରୋ ନମ୍ବର-୧’ ଭଳି ଅନେକ ସଫଳ ଫିଲ୍ମରେ ଅଭିନୟ କରିଥିଲେ।
