ମୁମ୍ବାଇ: ଫିଲ୍ମରୁ ଦୂରେଇ ଯାଇଥିବା ଗୋବିନ୍ଦା ଏବେ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ। ତାଙ୍କ ପତ୍ନୀ ସୁନୀତା ଆହୁଜା ଉଭୟଙ୍କ ସମ୍ପର୍କକୁ ନେଇ ବଡ଼ ଖୁଲାସା କରିଛନ୍ତି। ଉଭୟଙ୍କ ମଧ୍ୟରେ ସମ୍ପର୍କରେ ତିକ୍ତତା ନାହିଁ। ଏହାସତ୍ତ୍ୱେ ସେମାନେ ଗୋଟିଏ ଘରେ ନୁହେଁ ଦୁଇ ଅଲଗା ଅଲଗା ଘରେ ରହୁଥିବା ସୁନୀତା କହିଛନ୍ତି।
ଏକ ସାକ୍ଷାତକାରରେ ସୁନୀତା କହିଛନ୍ତି, ଗୋବିନ୍ଦାଙ୍କୁ ମିଟିଂ କରିବା ବେଳେ ବିଳମ୍ବ ହୋଇଯାଇଥାଏ। ସେ ଅଧିକ କଥାବାର୍ତ୍ତା ହେବାକୁ ପସନ୍ଦ କରନ୍ତି। ଏଣୁ ୧୦ଜଣଙ୍କୁ ଡାକି କଥା ହେଉଥାନ୍ତି। ମୋତେ କିନ୍ତୁ ଏତେ ସମୟ କଥା ହେବା ପସନ୍ଦ ନୁହେଁ। ମୁଁ ପୁଅ ଏବଂ ଝିଅଙ୍କ ସହ ରୁହେ। ଆମେ ଅଧିକ କଥା ହେଉ ନାହିଁ। ଏଣୁ ମୁଁ ପିଲାଙ୍କ ସହ ଆପାର୍ଟମେଣ୍ଟରେ ରହୁଥିବା ବେଳେ ସେହି ଘର ସମ୍ମୁଖରେ ତାଙ୍କର ବଙ୍ଗଳା ରହିଛି, ଯେଉଁଠାରେ ଗୋବିନ୍ଦା ରୁହନ୍ତି ବୋଲି ସୁନୀତା କହିଛନ୍ତି।
ସୁନୀତା ଆହୁରୀ ମଧ୍ୟ କହିଛନ୍ତି ଯେ, ମୋତେ ବୁଲିବାକୁ ବହୁତ ପସନ୍ଦ। ହେଲେ ଗୋବିନ୍ଦାଙ୍କ ନିକଟରେ ଏସବୁ ଜିନିଷ ଲାଗି ସମୟ ନ ଥାଏ। ସେ ଛୁଟିରେ ଯାଆନ୍ତି ନାହିଁ। ସେ ନିଜର ଅଧିକାଂଶ ସମୟ କାମକୁ ଦେଇଥାନ୍ତି। ହେଲେ ଏବେ ୬୦ ବର୍ଷ ଡେଇଁ ଯାଇଥିବା ଯୋଗୁ ତାଙ୍କର କାହା ସହ ଆଫାୟାର୍ସ ହୋଇ ନ ଯାଉ ବୋଲି ଡର ରହିଥିବା ପତ୍ନୀ ମଜାଳିଆ ଢ଼ଙ୍ଗରେ କହିଛନ୍ତି।
