ନୂଆଦିଲ୍ଲୀ,୩।୨: ଆସନ୍ତା ଆର୍ଥିକ ବର୍ଷରେ ସରକାର ଅନଲାଇନ୍ ଜୁଆ କମ୍ପାନୀଗୁଡିକ ଠାରୁ ୧୪ ହଜାର କୋଟି ଟଙ୍କାର ଦ୍ରବ୍ୟ ଏବଂ ସେବା କର(ଜିଏସଟି) ଆଦାୟ କରିବାକୁ ଲକ୍ଷ୍ୟ ରଖିଛନ୍ତି। ଏନେଇ ରାଜସ୍ୱ ସଚିବ ସଞ୍ଜୟ ମାଲହୋତ୍ରା ଶନିବାର ରଏଟର୍ସକୁ କହିଛନ୍ତି।
ଅକ୍ଟୋବର ମାସରେ ସରକାର ଅନଲାଇନ ଜୁଆ କମ୍ପାନୀ ଉପରେ ୨୮% କର ଲଗାଇଥିଲେ। ଏହି ଜୁଆର ଅଭ୍ୟାସ ବିଷୟରେ ଉଲ୍ଲେଖ କରି ସରକାର ଏହି ପଦକ୍ଷେପକୁ ଠିକ ବୋଲି ଦର୍ଶାଇଥିଲେ। ମାର୍ଚ୍ଚ ୩୧ ରେ ଶେଷ ହେଉଥିବା ଆର୍ଥିକ ବର୍ଷରେ ସରକାର ଟିକସରୁ ପ୍ରାୟ ୭୫ ବିଲିୟନ ଟଙ୍କା ସଂଗ୍ରହ କରିବେ ବୋଲି ମାଲହୋତ୍ରା ଏକ ସାକ୍ଷାତକାରରେ କହିଛନ୍ତି। ପୂର୍ବ ବର୍ଷ ଏହା ୧୬ ବିଲିୟନ ଟଙ୍କା ଥିଲା। ଅକ୍ଟୋବର-ଡିସେମ୍ବର ତ୍ରୈମାସରେ ଏହି କର ୩୫ ବିଲିୟନ ଡ଼ଲାର ସୃଷ୍ଟି କରିଛି ବୋଲି ସେ କହିଛନ୍ତି।
ସେ କହିଛନ୍ତି ଯେ ଶିଳ୍ପ ସ୍ଥିର ହୋଇଛି, କିନ୍ତୁ ଚରମ ମନ୍ତବ୍ୟ ଦେବା ବହୁତ ଶୀଘ୍ର ହୋଇଯିବ। ଅନଲାଇନ୍ ଜୁଆ କମ୍ପାନୀଗୁଡିକୁ ଟ୍ୟାକ୍ସ କରିବାକୁ ଢାଞ୍ଚା ସମୀକ୍ଷା ଏପ୍ରିଲ୍ ସୁଦ୍ଧା କରାଯିବ, କିନ୍ତୁ ଏହାର ଅର୍ଥ ନୁହେଁ ଯେ ଟିକସ ହାରରେ ପରିବର୍ତ୍ତନ ହେବ।
