ନୂଆଦିଲ୍ଲୀ,୧୮।୨ : ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ଶନିବାର କହିଛନ୍ତି ଯେ ମଦ ନୀତି ପ୍ରସଙ୍ଗରେ ତାଙ୍କୁ ପୁଣି ପଚରାଉଚରା ପାଇଁ ଡକାଯାଇଛି। ତାଙ୍କୁ ହଇରାଣ କରିବା ପାଇଁ ଭାଜପା ନେତୃତ୍ୱାଧୀନ କେନ୍ଦ୍ର ସରକାର ଏଜେନ୍ସିଗୁଡିକର ପୂର୍ଣ୍ଣ କ୍ଷମତାର ଅପବ୍ୟବହାର କରୁଥିବା ସେ ଅଭିଯୋଗ କରିଛନ୍ତି।
ସିସୋଡିଆ ଟୁଇଟ କରି ସୂଚନା ଦେଇଛନ୍ତି ଆସନ୍ତାକାଲି ସିବିଆଇ ମତେ ପୁଣି ଡାକିଛି। ସେମାନେ ମୋ ବିରୁଦ୍ଧରେ ସିବିଆଇ, ଇଡିକୁ ଲଗାଇଛନ୍ତି। ମୋ ଘରେ ଚଢ଼ାଉ କରିଛନ୍ତି, ମୋ ବ୍ୟାଙ୍କ ଲକରରେ ସନ୍ଧାନ କରିଛନ୍ତି। ମାତ୍ର ମୋ ବିରୋଧରେ ସେମାନଙ୍କୁ କିଛି ମିଳି ନାହିଁ। ମୁଁ ଦିଲ୍ଲୀର ପିଲାମାନଙ୍କ ପାଇଁ ଭଲ ଶିକ୍ଷା ଲାଗି ବ୍ୟବସ୍ଥା କରିଛି। ସେମାନେ ତାଙ୍କୁ ଅଟକାଇବାକୁ ଚାହୁଁଛନ୍ତି। ମୁଁ ସବୁବେଳେ ଅନୁସନ୍ଧାନରେ ସହଯୋଗ କରିଆସୁଛି ଏବଂ କରିବ ମଧ୍ୟ।
ସିସୋଡିଆଙ୍କୁ ରବିବାର ପୂର୍ବାହ୍ନ ୧୧ ଟା ସମୟରେ ଦିଲ୍ଲୀର ସେଣ୍ଟ୍ରାଲ ଇନଭେଷ୍ଟିଗେଶନ ବ୍ୟୁରୋ (ସିବିଆଇ) ମୁଖ୍ୟାଳୟରେ ହାଜର ହେବାକୁ କୁହାଯାଇଛି। ଏହାକୁ ନେଇ ସିସୋଡିଆ ଭାଜପା ସରକାରଙ୍କୁ ଟାର୍ଗେଟ କରିଛନ୍ତି।
