ନୂଆଦିଲ୍ଲୀ,୩୦ା୧୨: କେନ୍ଦ୍ର ସରକାର ଶୁକ୍ରବାର ଦେଶବାସୀଙ୍କୁ ନୂଆ ବର୍ଷର ଉପହାର ଦେଇଛନ୍ତି। ସରକାର ଜାନୁୟାରୀ ୧ରୁ ଡାକଘର ସଞ୍ଚୟ ଯୋଜନା, ଏନ୍ଏସ୍ସି ଏବଂ ବରିଷ୍ଠ ନାଗରିକ ସଞ୍ଚୟ ଯୋଜନାର ସୁଧହାର ୧.୧୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରାଯାଇଛି। ତେବେ ପବ୍ଲିକ୍ ପ୍ରୋଭିଡେଣ୍ଟ ଫଣ୍ଡ୍ (ପିପିଏଫ୍) ଏବଂ ସୁକନ୍ୟା ସମୃଦ୍ଧି ଯୋଜନା ସୁଧହାର ଅପରିବର୍ତ୍ତିତ ରହିଛି। ନ୍ୟାଶନାଲ ସେଭିଙ୍ଗ୍ସ ସାର୍ଟିଫିକେଟ (ଏନ୍ଏସ୍ସି) ସୁଧହାର ଏବେ ୬.୮ ପ୍ରତିଶତ ଥିବାବେଳେ ଏହାକୁ ୭ ପ୍ରତିଶତକୁ ବୃଦ୍ଧି କରାଯାଇଛି। ସେହିପରି ବରିଷ୍ଠ ନାଗରିକ ସଞ୍ଚୟ ଯୋଜନା ସୁଧ ୭.୬ ପ୍ରତିଶତରୁ ୮ ପ୍ରତିଶତକୁ ବୃଦ୍ଧି କରାଯାଇଛି। ଡାକଘର ସଞ୍ଚୟ ଯୋଜନା ୧ରୁ ୫ ବର୍ଷ ସମୟସୀମା ପାଇଁ ସୁଧହାର ୧.୧ ପ୍ରତିଶତ ବୃଦ୍ଧି ହୋଇଛି। ମାସିକ ଆୟ ଯୋଜନାରେ ସୁଧହାର ୬.୭% ଥିବାବେଳେ ଏହାକୁ ୭.୧ ପ୍ରତିଶତକୁ ବଢ଼ାଇଦିଆଯାଇଛି।
