ନୂଆଦିଲ୍ଲୀ, ୧୫ା୫: ଜଳବାୟୀ ପରିବର୍ତ୍ତନର ମୁକାବିଲା ପାଇଁ ଯୁବବର୍ଗଙ୍କୁ ପ୍ରୋତ୍ସାହିତ କରିବାକୁ କେନ୍ଦ୍ର ସରକାର ‘ମେରି ଲାଇଫ୍’ ନାମରେ ଏକ ମୋବାଇଲ ଆପ୍ ଶୁଭାରମ୍ଭ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମିଶନ ଲାଇଫ ଦ୍ୱାରା ଅନୁପ୍ରାଣିତ ଏହି ଆପ୍ର ମାଧ୍ୟମରେ ଅପବ୍ୟୟୀ ଉପଯୋଗ ପରିବର୍ତ୍ତେ ସଚେତନ ଉପଯୋଗକୁ ପ୍ରୋତ୍ସାହିତ କରିବା। ଏହି ଆପ୍ଲିକେଶନ ଜୀବନ ପାଇଁ ଦେଶବ୍ୟାପୀ ଏକ ଆନ୍ଦୋଳନ ସୃଷ୍ଟି କରିବ ଏବଂ ପରିବେଶ ସୁରକ୍ଷାରେ ନାଗରିକଙ୍କ ଶକ୍ତିକୁ ପ୍ରଦର୍ଶନ କରିବ ବୋଲି କେନ୍ଦ୍ର ପରିବେଶ ମନ୍ତ୍ରୀ ଭୂପେନ୍ଦ୍ର ଯାଦବ ମତ ପ୍ରକାଶ କରିଛନ୍ତି। ଦେଶବ୍ୟାପୀ ମିଶନ ଲାଇଫ୍ କାର୍ଯ୍ୟକାରିତା ପାଇଁ ପରିବେଶ ମନ୍ତ୍ରଣାଳୟ ଏକ ସମନ୍ବୟକାରୀ କର୍ତ୍ତୃପକ୍ଷ ଭାବେ କାର୍ଯ୍ୟ କରିବ।