ନୂଆପଡ଼ା ଅଫିସ,୨୬।୪: ନୂଆପଡ଼ା ଜିଲା ବୋଡେନ ଥାନା ଫରସରା ପଞ୍ଚୟତ ଶର୍ଗିଗୁଡା ଗାଁରେ ଅଜାଙ୍କ କଟୁରି ଚୋଟରେ ନାତି ଗୁରୁତର ହୋଇଛନ୍ତି। ଆହତ ନାତିହେଲେ ପବିତ୍ର ରାଉତ(୨୫)। ଅଜା ଓ ନାତି ଗାଁ ଯାତ୍ରାକୁ ଭୋଜି ଖାଇବା ପାଇଁ ଯାଉଥିଲେ। ସେତିକିବେଳେ ରାସ୍ତାରେ ଦୁଇ ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଅଜା ଉତ୍ତ୍ୟକ୍ତ ହୋଇ ଧରିଥିବା ଏକ କଟୁରିରେ ନାତିର ମୁଣ୍ଡକୁ ଆକ୍ରମଣ କରିଥିଲେ। ଫଳରେ ବାମ କାନରେ ଗଭୀର ଆଘାତ ହୋଇଥିବା ବେଳେ ମୁଣ୍ଡର ଦୁଇ ସ୍ଥାନରେ ଚୋଟ ଲାଗିଛି। ସ୍ଥାନୀୟ ଲୋକେ ପବିତ୍ରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ବୋଡେନ ଗୋଷ୍ଠୀକେନ୍ଦ୍ରରେ ଭର୍ତ୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।