ନୂଆଦିଲ୍ଲୀ,୨୩।୫: ମୋଦି ସରକାରଙ୍କ ୯ ବର୍ଷ ପୂର୍ତ୍ତି ଅବସରରେ ରାଜସ୍ଥାନର ଅଜମୈରରେ ଏକ ବିଶାଳ ରାଲି ହେବାକୁ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୩୧ ମେ’ରେ ଅଜମୈରରେ ଏକ ରାଲି କରିବେ। ଚଳିତ ବର୍ଷ ଶେଷରେ ରାଜସ୍ଥାନରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ମୋଦି ଏହି ରାଲି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ସରକାରଙ୍କ ନଅ ବର୍ଷ କାର୍ଯ୍ୟ ଶେଷ ହେବା ପରେ ଭାଜପା ଆସନ୍ତା ୩୦ରୁ ଜୁନ ୩୦ପର୍ଯ୍ୟନ୍ତ ରାଜସ୍ଥାନରେ ଏକ ମେଗା ଜନସମ୍ପର୍କ କାର୍ଯ୍ୟକ୍ରମ ଆୟୋଜନ କରିବାକୁ ଯୋଜନା କରିଛି। ମାସେ ଧରି ଚାଲିଥିବା କାର୍ଯ୍ୟକ୍ରମରେ ଦଳ ରାଲି କରିବେ, ସମ୍ପୃକ୍ତ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତିଙ୍କୁ ଭେଟିବେ ଏବଂ ହିତାଧିକାରୀଙ୍କ ନିକଟରେ ପହଞ୍ଚିବେ ବୋଲି ଜଣାପଡିଛି।
କେନ୍ଦ୍ର ମନ୍ତ୍ରୀ କୈଳାଶ ଚୌଧୁରୀ ଏକ ଖବରଦାତା ସମ୍ମିଳନୀରେ କହିଛନ୍ତ, ଦଳର କର୍ମୀ ତଥା ନେତାମାନେ ଘରକୁ ଘର ଯାଇ କେନ୍ଦ୍ରର ସଫଳତାକୁ ଆଲୋକିତ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ଜନ କଲ୍ୟାଣ ଯୋଜନା ସମ୍ପର୍କରେ ସେ କହିଛନ୍ତି , ଆଜି ସାରା ବିଶ୍ୱରେ ଭାରତର ନାମ ଆଲୋକିତ ହେଉଛି। ଭାରତୀୟ ଜନତା ପାର୍ଟିର କେନ୍ଦ୍ର ସରକାର କିଷାନ ସମ୍ମାନ ନିଧି, ଜନ ଧନ ଯୋଜନା, ଆୟୁଷ୍ମାନ ଭାରତ ଯୋଜନା ଏବଂ ଅନ୍ୟାନ୍ୟ ଜନ କଲ୍ୟାଣ ଯୋଜନାକୁ ଜନସାଧାରଣଙ୍କ ନିକଟରେ ପହଞ୍ଚାଇଛନ୍ତି।