![](https://www.dharitri.com/wp-content/uploads/2024/06/WhatsApp-Image-2024-06-02-at-7.23.56-PM.jpeg)
ନୂଆଦିଲ୍ଲୀ,୨।୬: ମହଙ୍ଗା ଭତ୍ତା ବଢ଼ିବା ପରେ ଏବେ କେନ୍ଦ୍ର ସରକାରଙ୍କ କର୍ମଚାରୀଙ୍କ ପାଇଁ ଆଉ ଏକ ଖୁସିଖବର। ଏହି କର୍ମଚାରୀଙ୍କୁ ଅବସର ପରେ ମିଳୁଥିବା ଅର୍ଥ ରାଶିରେ ବୃଦ୍ଧି ହେବ। ମହଙ୍ଗା ଭତ୍ତା ୫୦ ପ୍ରତିଶତ ବୃଦ୍ଧି ହେବା ପରେ ଅବସରକାଳୀନ ସୁବିଧା ମଧ୍ୟ ବଢ଼ିଥିବା ଏକ ଗଣମାଧ୍ୟମ ସଂସ୍ଥାର ତଥ୍ୟରୁ ଜଣାପଡ଼ିଛି। ଏନେଇ ମେ ୩୦ ତାରିଖରେ ଏକ ଅଫିସ୍ ମେମୋରାଣ୍ଡମ ଜାରି କରାଯାଇଛି। ଯେଉଁଥିରେ କୁହାଯାଇଛି ଯେ କେନ୍ଦ୍ରୀୟ କର୍ମଚାରୀଙ୍କ ପାଇଁ ରହିଥିବା ଅବସରକାଳୀନ ସୁବିଧା ବୃଦ୍ଧି କରାଯାଇଛି।
ସପ୍ତମ ବେତନ କମିଶନ ଅନୁସାରେ କେନ୍ଦ୍ର ସରକାର ଗ୍ରାଚ୍ୟୁଟି ଲିମିଟ୍ ବଢ଼ାଇ ଦେଇଛନ୍ତି। ସେଣ୍ଟ୍ରାଲ ପେନସନ୍ ରୁଲ୍ ୨୦୨୧ ଏବଂ ସେଣ୍ଟ୍ରାଲ ସିଭିଲ ସର୍ଭିସେସ୍ ରୁଲ୍ ୨୦୨୧ରେ ସଂଶୋଧନ କରିଯାଇ ଅବସରକାଳୀନ ଏବଂ ମୃତ୍ୟୁ କାଳୀନ ଗ୍ରାଚ୍ୟୁଟି ସୀମା ବଢ଼ାଇ ଦିଆଯଆଇଛି।