ଗ୍ରେଟର ନୋଏଡା,୨୪।୯: ଉତ୍ତର ପ୍ରଦେଶର ଗ୍ରେଟର ନୋଏଡାରେ ଏକ ଅଭାବନୀୟ ଘଟଣା ଘଟିଛି। ଏଠାରେ ଦୁଇ ପୁଅ ୭୦ ବର୍ଷୀୟ ବୃଦ୍ଧ ପିତାଙ୍କୁ ରାସ୍ତାରେ ଟାଣି ଟାଣି ନେଉଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ପୋଲିସ ସୂଚନା ପାଇବା ମାତ୍ରେ ଦୁଇ ପୁଅଙ୍କୁ ଗିରଫ କରିଛି। ଦୁହିଁଙ୍କ ନାଁରେ ଧାରା ୧୫୧ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି। ଗତ କିଛିଦିନ ହେବ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଥିଲା। ଭିଡିଓରେ ଦୁଇ ପୁଅ ବୃଦ୍ଧ ପିତାଙ୍କୁ ରାସ୍ତାରେ ଘୋଷାଡି ଘୋଷାଡି ନେବା ସହ ଖୁବ୍ ପିଟୁଥିତ୍ଲେ। ସ୍ଥାନୀୟ ଲୋକେ ଏହା ଦେଖୁଥିଲେ ମଧ୍ୟ କିଛି କହୁ ନ ଥିଲେ। ପୋଲିସ ନିକଟକୁ ଏହି ଭିଡିଓ ଆସିବାରୁ ତଦନ୍ତ ଆରମ୍ଭ କରାଯାଇଥିଲା। ଏହି ଘଟଣା ସେପ୍ଟେମ୍ବର ୨୨ରେ ଘଟିଥିଲା। ପିତାଙ୍କ ମଦ ନିଶା ଯୋଗୁ ସେମାନେ ଏଭଳି ଟାଣି ଟାଣି ନେଉଥିବା ଦୁଇ ପୁଅ ପୋଲିସ ଆଗରେ କହିଛନ୍ତି। ସେ ପ୍ରତିଦିନ ମଦ ପିଇ ଘରକୁ ଆସୁଥିତ୍ଲେ। ଘଟଣା ଦିନ ମଦ୍ୟପାନ କରୁଥିତ୍ବାବେଳେ ଦୁଇ ପୁଅ ତାଙ୍କୁ ଡାକିଥିଲେ। କିନ୍ତୁ ପିତା ସେମାନଙ୍କୁ ଗାଳିଗୁଲଜ କରିଥିଲେ। ଏଥିରେ ଉତ୍କ୍ଷିପ୍ତ ହୋଇ ପୁଅମାନେ ଏଭଳି କାମ କରିଥିବା ପୋଲିସ କହିଛି।