ଖାଦ୍ୟ ସଙ୍କଟ ସୃଷ୍ଟି କରିପାରେ ସବୁଜ କୃଷି

ଭୁବନେଶ୍ୱର,୪। ୮(ବ୍ୟୁରୋ)

କୃଷି କ୍ଷେତ୍ରରୁ ନିର୍ଗତ ହେଉଥିବା ଗ୍ରୀନ ହାଉସ ଗ୍ୟାସ୍‌କୁ ହ୍ରାସ କରିବା ଲକ୍ଷ୍ୟରେ ଗତ ଜୁଲାଇ ୨୮ରେ କେନ୍ଦ୍ର ସରକାର ଗ୍ରୀନ-ଏଜି(ସବୁଜ କୃଷି) ପ୍ରକଳ୍ପ ନାମରେ ଏକ ପାଇଲଟ୍‌ ପ୍ରକଳ୍ପ ଆରମ୍ଭ କରିଛନ୍ତି। ପ୍ରାଥମିକ ପର୍ଯ୍ୟାୟରେ ଏହା ମିଜୋରାମ୍‌ରେ ଆରମ୍ଭ ହୋଇଥିବାବେଳେ ଖୁବ୍‌ଶୀଘ୍ର ଓଡ଼ିଶା, ମଧ୍ୟପ୍ରଦେଶ, ରାଜସ୍ଥାନ, ଉତ୍ତରାଖଣ୍ଡରେ ଆରମ୍ଭ ହେବ। ଏହି ୫ଟି ରାଜ୍ୟର ୧୦୪.୦୭୦ ହେକ୍ଟର ଜମିରେ ଜଳ ପରିଚାଳନା, ଜୈବିକ(ଅର୍ଗାନିକ) ଚାଷ ଏବଂ କୃଷି ଜୈବ ବିବିଧତା ବଜାୟ ରଖିବା ନେଇ ଚାଷୀମାନଙ୍କୁ ସଚେତନ କରାଯିବ। ଓଡିଶାର ଶିମିଳିପାଳ ଅଞ୍ଚଳରେ ଏହାକୁ ପାଇଲଟ ପ୍ରକଳ୍ପ ଭାବେ ଆରମ୍ଭ କରାଯିବାର ଯୋଜନା ରହିଛି। ଏହା ଦ୍ୱାରା କୃଷି କ୍ଷେତ୍ରରୁ ବାର୍ଷିକ ନିର୍ଗମନ ହେଉଥିବା ୪୯ ନିୟୁତ କାର୍ବନ ଡାଇଅକ୍ସାଇଡ ଗ୍ୟାସକୁ ରୋକାଯିବାକୁ ଲକ୍ଷ୍ୟ ରଖାଯାଇଛି। ଏହି ପାଇଲଟ ପ୍ରକଳ୍ପ ୨୦୨୬ ମାର୍ଚ୍ଚ ୩୧ ସୁଦ୍ଧା ଶେଷ ହେବ। ତେବେ ଏହି ଚାଷ ପ୍ରଣାଳୀ ଦ୍ୱାରା କୃଷି ଉତ୍ପାଦନ ଗୁରୁତର ଭାବେ ପ୍ରଭାବିତ ହେବାର ଆଶଙ୍କା ରହିଛି। ସବୁଜ କୃଷି ଦ୍ୱାରା ପରିବେଶ କିଛି ମାତ୍ରାରେ ସୁଧୁରିଲେ ମଧ୍ୟ ଆଗାମୀ ଦିନରେ ଘୋର ଖାଦ୍ୟ ସଙ୍କଟ ଦେଖାଦେବାର ସମ୍ଭାବନା ଥିବା କୃଷି ବିଶେଷଜ୍ଞ ଆଶଙ୍କା କରିଛନ୍ତି।
କୃଷି ବିଶେଷଜ୍ଞ ତଥା ଓୟୁଏଟିର ପୂର୍ବତନ କୁଳପତି ସୁରେନ୍ଦ୍ର ନାଥ ପଶୁପାଳକ କହିଛନ୍ତି ଯେ, କେନ୍ଦ୍ର ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ଏହି ପାଇଲଟ ପ୍ରକଳ୍ପ ହେଲେ ଚାଷୀମାନେ ଜମିରେ ଆଉ ରାସାୟନିକ ସାର, କୀଟନାଶକ ଔଷଧ, ଗୋବରଖତ ଆଦି ପ୍ରୟୋଗ କରିବେ ନାହିଁ। ଏହାଦ୍ୱାରା ଚାଷୀଙ୍କୁ ବଡ଼ ଆକାରରେ କ୍ଷତି ସହିବାକୁ ପଡିବ। ଉତ୍ପାଦନ ହ୍ରାସ ପାଇବା ସାଙ୍ଗକୁ ଚାଷୀମାନେ ସମାନଙ୍କ ଉତ୍ପାଦିତ ଶସ୍ୟ ମଧ୍ୟ ବିକ୍ରି କରିପାରିବେ ନାହିଁ। ଏହି ପ୍ରଣାଳୀରେ ଚାଷ କରାଗଲେ ଚାଷ କରିବାର ୫ ବର୍ଷ ପରେ ଜମି ଲାଭ ଦେବା ଆରମ୍ଭ କରିବ। ସେ ପର୍ଯ୍ୟନ୍ତ ଚାଷରେ ହେଉଥିବା କ୍ଷତିକୁ ଚାଷୀ ଭରଣା କରିବା ଅବସ୍ଥାରେ ରହିବ ନାହିଁ। କେବଳ ସେତିକି ନୁହେଁ, ଉତ୍ପାଦିତ ଶସ୍ୟର ଉତ୍ପାଦନ ମୂଲ୍ୟ ମଧ୍ୟ ବହୁ ପରିମାଣରେ ବଢି ଯିବ। ଅପରପକ୍ଷରେ କରୋନା ମହାମାରୀ ପରେ ଲୋକମାନେ ସ୍ବାସ୍ଥ୍ୟ ପ୍ରତି ଅଧିକ ଯତ୍ନବାନ ହେବେ। ପୁଷ୍ଟିକର, ସ୍ବାସ୍ଥ୍ୟକର ଏବଂ ସୁରକ୍ଷିତ ଖାଦ୍ୟର ଚାହିଦା ବଢିବ। ସବୁଜ ଚାଷ ପାଇଁ ସରକାର ୫ ବର୍ଷ ଲାଗି ଚାଷୀଙ୍କ କ୍ଷତି ଭରଣା କରିବାକୁ ପ୍ରସ୍ତୁତ ରହିଲେ ଏହି ଚାଷ ସଫଳ ହୋଇପାରିବ ବୋଲି ସେ କହିଛନ୍ତି।
ଅନ୍ୟପକ୍ଷରେ କୃଷି ବିଭାଗର ଜଣେ ବରିଷ୍ଠ ଅଧିକାରୀଙ୍କ କଥା କହିବା କଥା ହେଲା ସବୁଜ ଚାଷ ଏକ ଉତ୍ତମ ପ୍ରୟାସ। ତାହା କେତେଦୂର ସଫଳ ହେବ ଭବିଷ୍ୟତ କହିବ। କେନ୍ଦ୍ର ସରକାର ଚାଷୀଙ୍କୁ ଏବେ ଧାନର ଉତ୍ପାଦନ ମୂଲ୍ୟ ଠିକ୍‌ରେ ଦେଇପାରୁ ନାହାନ୍ତି। ସବୁଜ ଚାଷ ଯୋଗୁ ହେବାକୁ ଥିବା କ୍ଷତି ଭରଣା କରିବା ସହଜ ହେବ ନାହିଁ। ୧ କୁଇଣ୍ଟାଲ ଧାନ ଉତ୍ପାଦନ ପାଇଁ ଚାଷୀଙ୍କୁ ୨୪୦୩ ଟଙ୍କା ଖର୍ଚ୍ଚ କରିବାକୁ ପଡୁଛି। ଚାଷୀଙ୍କଠାରୁ କେନ୍ଦ୍ର ସରକାର ୨୦୨୦-୨୧ରେ ଆର୍ଥିକ ବର୍ଷରେ ୧୮୬୮ ଟଙ୍କା ସର୍ବନିମ୍ନ ସହାୟକ ମୂଲ୍ୟ(ଏମଏସପି)ରେ କ୍ରୟ କରୁଛନ୍ତି। ଫଳରେ ଚାଷୀଙ୍କୁ କୁଇଣ୍ଟାଲ ପିଛା ୫୩୫ ଟଙ୍କା କ୍ଷତି ସହିବାକୁ ପଡୁଛି। ବିନା ରାସାୟନିକ ସାର କିମ୍ବା କୀଟନାଶକରେ ଚାଷ କଲେ କମ୍‌ ଅମଳ ହେବ ଏବଂ କ୍ଷତି ବହୁ ଗୁଣା ବଢିଯିବ। ଚାଷୀ ତାହା ସମ୍ଭାଳିବା ଅବସ୍ଥାରେ ରହିବା ସମ୍ଭବ ହେବ ନାହିଁ। କୃଷି ଓ କୃଷକ ସଶକ୍ତୀକରଣ ବିଭାଗ ସଚିବ ସୌରଭ ଗର୍ଗ କହିଛନ୍ତି ଯେ, ଜଳବାୟୁ ପରିବର୍ତ୍ତନ ହେଉଥିବାରୁ ରାଜ୍ୟ ସରକାରଙ୍କ ପକ୍ଷରୁ ଜଳବାୟୁ ପରିବର୍ତ୍ତନ ଆକ୍ସନ ପ୍ଲାନ ପ୍ରସ୍ତୁତ କରାଯାଇଛି। ଚାଷୀମାନେ କିପରି ଆଗାମୀ ଦିନରେ ଜଳବାୟୁ ଅନୁସାରେ ସବୁଦିନିଆ ଫସଲ କରି ପାରିବେ ସେ ନେଇ ବ୍ୟବସ୍ଥା କରାଯାଉଛି। କେନ୍ଦ୍ର ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା ସବୁଜ ଚାଷ ଏକ ଭଲ ପ୍ରୟାସ। ସମ୍ପୂର୍ଣ୍ଣ ତଥ୍ୟ ମିଳିବା ପରେ ଏ ନେଇ ପଦକ୍ଷେପ ନିଆଯିବ ବୋଲି ଗର୍ଗ କହିଛନ୍ତି।
ସମ୍ପ୍ରତି ଗ୍ରୀନ ହାଉସ ଗ୍ୟାସ ବୃଦ୍ଧି ପରିବେଶ ପାଇଁ ବିପଦ ସାଜିଛି। କଳକାରଖାନାଠାରୁ ଆରମ୍ଭ କରି ଯାନବାହନ, ସହରାଞ୍ଚଳ, କୃଷି କ୍ଷେତ୍ର ଆଦିରୁ ବାହାରୁଥିବା ବିଷାକ୍ତ ଗ୍ୟାସ ପରିବେଶକୁ ଦୁର୍ବଳ କରିବାରେ ଲାଗିଛି। ସମଗ୍ର ବିଶ୍ୱ ପାଇଁ ପରିବେଶ ପ୍ରଦୂଷଣ ବଡ ଚିନ୍ତାର କାରଣ ହୋଇଛି। ଏକ ଅଧ୍ୟୟନରୁ ଜଣାଯାଇଛି ଯେ, କୃଷି କ୍ଷେତ୍ରରୁ ବାର୍ଷିକ ପ୍ରାୟ ୬ ନିୟୁତ ଟନ ଗ୍ରୀନ ହାଉସ ଗ୍ୟାସ ନିର୍ଗତ ହୋଇଥାଏ। ମୁଖ୍ୟତଃ ରାସାୟନିକ ସାର, ଜୈବିକ ସାର, ଜଙ୍ଗଲ ନଷ୍ଟ ଏବଂ ମୃତ୍ତିକା କ୍ଷୟ ଆଦିରୁ ଗ୍ରୀନ ହାଉସ ଗ୍ୟାସ୍‌ ବୃଦ୍ଧି ପାଉଛି। ୧୯୯୦ରୁ ୨୦୧୦ ମଧ୍ୟରେ କୃଷି କ୍ଷେତ୍ରରୁ ବାହାରୁଥିବା ଗ୍ରୀନ୍‌ ହାଉସ ଗ୍ୟାସ ୮ ପ୍ରତିଶତ ବୃଦ୍ଧି ଘଟିଛି। ୨୦୨୦ରୁ ୨୦୩୦ ମଧ୍ୟରେ ଏହା୧୫ ପ୍ରତିଶତ ଅର୍ଥାତ ବାର୍ଷିକ ୭ ନିୟୁତ ଟନ୍‌ ଉପତ୍ନ୍ନ ହେବ ବୋଲି ବିଶେଷଜ୍ଞ ମହଲ୍‌ରେଆକଳନ କରାଯାଇଛି।


Enter your email to get our daily news in your inbox.

All Right Reserved By Dharitri.Com

କାଲି ଆସିବ ବଡ଼ ନିଷ୍ପତ୍ତି, ଭରତପୁର ଘଟଣାରେ ପୋଲିସର ଭୁବନେଶ୍ୱରରେ ବସିବ ବଡ଼ ବୈଠକ

ଭୁବନେଶ୍ୱର,୨୧।୯: ତୀବ୍ର ହେଲା ଭରତପୁର ପୋଲିସ-ମେଜର ବିବାଦ। ଘଟଣାକୁ ନେଇ ବଡ଼ ବୈଠକ ଡାକିଲା ଓଡ଼ିଶା ପୋଲିସ ସେବା ସଂଘ। ଏନେଇ ରବିବାର ଭୁବନେଶ୍ବରରେ ବସିବ...

୫୦ ଟଙ୍କା ନେଇ ଧରାପଡ଼ିଲେ ମୋ ସେବା କେନ୍ଦ୍ର ମାଲିକ

ରାଉରକେଲା,୨୧।୯(ସଙ୍ଗୀତା ଜେନା): ପ୍ଲାଣ୍ଟସାଇଟ୍‌ ଥାନା ଅନ୍ତର୍ଗତ ଷ୍ଟେଶନ ରୋଡ୍‌ରେ ଥିବା ଏକ ମୋ ସେବା କେନ୍ଦ୍ରର ମାଲିକ ସୁଭଦ୍ରା ଯୋଜନା ପାଇଁ ହିତାଧିକାରୀଙ୍କୁ ୫୦ ଟଙ୍କା...

ଲାଞ୍ଚ ନେଇ ଧରା ପଡିଲେ ୨ ପୋଲିସ ବାବୁ, ଜବତ ବାଇକ୍‌ ଫେରାଇବା ପାଇଁ…

ନବରଙ୍ଗପୁର,୨୧।୯: ଲାଞ୍ଚ ନେଇ ଧରାପଡ଼ଛନ୍ତି ୨ ପୋଲିସ କର୍ମଚାରୀ। ନବରଙ୍ଗପୁର ପାପଡ଼ାହାଣ୍ଡି ଥାନାର ୨ କର୍ମଚାରୀ ଲାଞ୍ଚ ନେଉଥିବା ଅବସ୍ଥାରେ ଧରା ପଡିଛନ୍ତି। ସେମାନେ ହେଲେ...

ଏମାନଙ୍କୁ ଆଦୌ ମିଳିବନି ସୁଭଦ୍ରା ଟଙ୍କା, ଆବେଦନ କଲେ ବି କଟିଯିବ…

ଭୁବନେଶ୍ୱର,୨୧।୯: ସୁଭଦ୍ରା ଯୋଜନାର ଶୁଭାରମ୍ଭ ପରେ ୨୫ ଲକ୍ଷ ମହିଳାଙ୍କ ଆକାଉଣ୍ଟକୁ ଟଙ୍କା ଯାଇଛି। ପ୍ରାୟ ୧୨ ଶହ ୫୦ କୋଟି ଟଙ୍କା ସୁଭଦ୍ରା ହିତାଧିକାରୀଙ୍କ...

ଅଭିଯୋଗ ପ୍ରକୋଷ୍ଠରେ ରହିବେ ମୁଖ୍ୟମନ୍ତ୍ରୀ ମୋହନ ମାଝୀ, ନିଜ ଘର ଦେଇଦେଲେ…

ଭୁବନେଶ୍ୱର,୨୧।୯: ଉଦାହରଣ ସୃଷ୍ଟିକଲେ ମୁଖ୍ୟମନ୍ତ୍ରୀ ମୋହନ ମାଝୀ। ଲୋକଙ୍କ ପାଇଁ ନିଜ ଘର ଦେଇଦେଲେ ମୁଖ୍ୟମନ୍ତ୍ରୀ। କେନ୍ଦୁଝରରେ ଥିବା ନିଜ ମଣ୍ଡୁଆ ବାସଭବନକୁ ଲୋକଙ୍କୁ ଉତ୍ସର୍ଗ...

ଗୋଟିଏ ଟ୍ରାକ୍‌ରେ ୨ ଟ୍ରେନ୍‌ ସାମ୍‌ନା ସାମ୍‌ନି

ରାଉରକେଲା,୨୧।୯(ଦିନେଶ ମିଶ୍ର): ରାଉରକେଲା ବାସନ୍ତୀ ରେଲୱେ ଓଭରବ୍ରିଜ ନିକଟରେ ଶନିବାର ଗୋଟିଏ ରେଳ ଦୁର୍ଘଟଣା ଟଳିଯାଇଛି। ଗୋଟିଏ ରେଳ ଟ୍ରାକ୍‌ରେ ଗୋଟିଏ ମାଲବାହୀ ଓ ଅନ୍ୟଟି...

ସୃଷ୍ଟିହେଲା ୨ଟି ଘୂର୍ଣ୍ଣିବଳୟ, ୧୨ଜିଲାରେ ଅତି ପ୍ରବଳ ବର୍ଷିବ

ଭୁବନେଶ୍ୱର,୨୧।୯: ବଙ୍ଗୋପସାଗର ଓ ତତ୍‌ ସଂଲଗ୍ନ ଅଞ୍ଚଳରେ ୨ଟି ଘୂର୍ଣ୍ଣିବଳୟ ସକ୍ରିୟ ରହିଛି । ଏହାର ପ୍ରଭାବରେ ୨୩ ତାରିଖ ସୁଦ୍ଧା ଲଘୁଚାପ କ୍ଷେତ୍ର ସୃଷ୍ଟି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri