ରାୟଗଡ଼ା ଅଫିସ, ୧ା୩:ପରିବା ବିକାଳିରୁ ହେଲେ ଜିଲା ପରିଷଦ ସଭ୍ୟ। ରାୟଗଡ଼ା ଜିଲା ରାମନାଗୁଡ଼ା ବ୍ଲକ ‘କ’ ଜୋନ୍ରୁ କଂଗ୍ରେସ ପ୍ରାର୍ଥୀ ଟାଙ୍ଗୁଡୁ ଶ୍ରୀଧର ବିଜୟୀ ହୋଇଛନ୍ତି। ବିଜେଡି, ଭାଜପା ପ୍ରାର୍ଥୀଙ୍କୁ ପଛରେ ପକାଇ ସେ ବାଜି ମାରି ନେଇଛନ୍ତି। ରାମନାଗୁଡ଼ା ମୁଖ୍ୟ ବଜାର ଅଞ୍ଚଳରେ ଶ୍ରୀଧରଙ୍କ ଘର। ବଜାରରେ ତାଙ୍କର ପରିବା ଦୋକାନ ରହିଛି। ବ୍ୟବସାୟ ସହ ସେ ଦୀର୍ଘ ୧୫ ବର୍ଷ ଧରି କଂଗ୍ରେସ ସହ ଜଡ଼ିତ ଅଛନ୍ତି। ଗରିବ ଲୋକଙ୍କ ଭଲ ମନ୍ଦ ବୁଝି ଅସୁବିଧା ସମୟରେ ପାଖରେ ଠିଆ ହୋଇଥାଏ। ତେଣୁ ଲୋକେ ଆଜି ଜିତାଇଛନ୍ତି ବୋଲି ଶ୍ରୀଧର କହିଛନ୍ତି। ବ୍ଲକ ସଭାପତିଭାବେ ୧୫ ବର୍ଷ ଲୋକଙ୍କ ପାଇଁ କାମ କରିଛି। ଜିଲା ପରିଷଦ ସଭ୍ୟ ପ୍ରାର୍ଥୀ ହେବାପରେ ଲୋକେ ଭୋଟ ଦେଇ ସମର୍ଥନ ଜଣାଇଛନ୍ତି। ଲୋକଙ୍କ ସମସ୍ୟା ନେଇ ସରକାରଙ୍କ ପାଖରେ ରଖିବି ବୋଲି ସେ କହିଛନ୍ତି।
