ଟୋକିଓ: ଜାପାନର ସବୁଜ ସାଗରୀୟ କଇଁଛ ପ୍ରଜାତି ଏବେ ବିପଦରେ। ଜାପାନର ଏକ ଦ୍ୱୀପରେ ପାଖାପାଖି ୩୦ ଗୋଟି କଇଁଛଙ୍କ ମୃତଦେହ ମିଳିଛି। ମୃତ କଇଁଛଙ୍କ ମଧ୍ୟରୁ ଅଧିକାଂଶଙ୍କ ବେକକୁ ଧାରୁଆ ଅସ୍ତ୍ରରେ ଭୁସାଯାଇଥିବା ଦେଖିବାକୁ ମିଳିଛି। ତେବେ କିଛିଦିନ ପୂର୍ବେ ଜାପାନର କୁମେଜିମା ଦ୍ୱୀପରେ ଏହି କଇଁଛଙ୍କ ମୃତଦେହ ମିଳିଥିବାବେଳେ ସମୁଦ୍ର ଲହରିରେ ଆସି କଇଁଛ ସବୁ କୂଳରେ ଲାଗିଥିବା କୁହାଯାଉଛି। କଇଁଛଙ୍କ ଗୋଡ଼ ଛିଡ଼ିଯାଇଥିବା ମଧ୍ୟ ଦେଖାଯାଇଛି। କଇଁଛଗୁଡ଼ିକ ମାଛ ଜାଲରେ ପଡ଼ିଯିବା କାରଣରୁ ଏମାନଙ୍କୁ ଜାଲରୁ ହଟାଇବା ପାଇଁ ମାଛଧରାଳିମାନେ ମାରିଥିବା ସ୍ଥାନୀୟ ଗଣମାଧ୍ୟମରେ ଖବର ପ୍ରକାଶ ପାଇଛି। ତେବେ ଏ ନେଇ ସ୍ଥାନୀୟ ପୋଲିସ ପକ୍ଷରୁ ତଦନ୍ତ ଆରମ୍ଭ କରାଯାଇଛି। ସମୁଦ୍ରରେ କିଛି କଇଁଛ ମୋତେ ଘେରିଯାଇଥିଲେ, ସେମାନଙ୍କୁ ହଟେଇବା ପରେ ଏକ ବିରାଟ କଇଁଛ ରାସ୍ତାରୁ ହଟୁ ନ ଥିବା କାରଣରୁ ତା’ ଦେହରେ ଛୁରି ଭୁସିଥିବା ଜଣେ ସ୍ଥାନୀୟ ମତ୍ସ୍ୟଜୀବୀ କହିଛନ୍ତି। ତେବେ ସଂଗ୍ରହାଳୟର ବହୁ ଟିମ୍ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି।
