କରୋନା ମହାମାରୀ ସମସ୍ତଙ୍କ ଜୀବନ ଶୈଳୀକୁ ଏକପ୍ରକାର ବଦଳାଇ ଦେଇଛି। ଏହି ମହମାରୀ ଯୋଗୁ କିଛି ଅଫିସର କର୍ମଚାରୀମାନେ ଓ୍ବାର୍କ ଫ୍ରମ୍ ହୋମ୍ ଅର୍ଥାତ ଘରୁ କାମ କରୁଛନ୍ତି। ଏବେ ସୋସିଆଲ ମିଡିଆରେ ଏମିତି ଏକ ଓ୍ବାର୍କ ଫ୍ରମ୍ ହୋମ୍ର ଭିଡିଓ ଭାଇରାଲ ହୋଇଛି, ଯାହା ଦେଖିଲେ ହସି ହସି ଗଡ଼ିବେ। ବାହାବେଦୀରେ ବରବେଶରେ ବସି ଲାପ୍ଟପ୍ରେ ଓ୍ବାର୍କ ଫ୍ରମ ହୋମ୍ କରୁଛନ୍ତି ଜଣେ ବର। ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହୋଇଛି। ଇନ୍ଷ୍ଟାଗ୍ରାମରେ ଶେୟାର ହୋଇଥିବା ଏହି ଭିଡିଓରେ ବର ଜଣଙ୍କ କୋଳରେ ଲାପ୍ଟପ୍ ଥୋଇ ବ୍ୟସ୍ତ ଅଛନ୍ତି।
ଏପଟେ ବାହାଘର ପାଇଁ ସବୁ ଯୋଗାଡ଼ ସରିଛି । ବାହାଘର ରୀତିନୀତି ଚାଲିଥିବା ବେଳେ ବର କିନ୍ତୁ ଲାପ୍ଟପ୍ରେ ବ୍ୟସ୍ତ। ଏହା ଦେଖି କନ୍ୟା ହସି ହସି ଗଡୁଛନ୍ତି। ଖାଲି ଏତିକି ନୁହେଁ ବାହାଘରରେ ଯୋଗ ଦେଇଥିବା ବନ୍ଧୁବାନ୍ଧବ ଏବଂ ଅତିଥିମାନଙ୍କ ନଜର କେବଳ ବରଙ୍କ ଉପରେ ହିଁ ଥିଲା। ସେ କିନ୍ତୁ କାହାକୁ ନ ଦେଖି ନିଜ କାମରେ ବ୍ୟସ୍ତ ଥିଲେ।
ଭିଡିଓଟିକୁ ଲୋକେ ଖୁବ୍ ପସନ୍ଦ କରିବା ସହ ବେଶ୍ ମଜାଳିଆ କମେଣ୍ଟ ସବୁ ଦେଉଛନ୍ତି। ଜଣେ ୟୁଜର ଲେଖିଛନ୍ତି, ଆଜିର ଦିନରେ ବି ଏମିତି ବ୍ୟସ୍ତ। ସେହିପରି ଆଉ ଜଣେ ୟୁଜର ଲେଖିଛନ୍ତି, ମାଲିକ କ’ଣ ବାହା ହେବାକୁ ଛୁଟି ଦେଲେନି। ଅନ୍ୟ ଜଣେ ୟୁଜର ଲେଖିଛନ୍ତି, ମାଲିକ ଛୁଟି ନ ଦେଲେ ତ ଏମିତି ହିଁ ଭୋଗିବାକୁ ପଡ଼େ।