ଖଲ୍ଲିକୋଟ,୫ା୭(ଡି.ଏନ୍.ଏ.)- ଗଞ୍ଜାମ ଜିଲା ଖଲ୍ଲିକୋଟ ବ୍ଲକ ପଥରା ପଞ୍ଚାୟତ ମଝିସାହି ଛକରେ ଶୁକ୍ରବାର ରାତିରେ ଗୋଷ୍ଠୀ ସଂଘର୍ଷ ଘଟି ଜଣଙ୍କର ଜୀବନ ଯାଇଛି। ମୃତକ ହେଲେ ପିଣ୍ଟୁ ଦାସ (ପିଙ୍କୁ)। ଅନ୍ୟ ୬ଜଣ ଗୁରୁତର ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି। ପଥରା ପଞ୍ଚାୟତରେ ଥିବା ଦେଶୀ ମଦ ଭେଣ୍ଡର ଏବଂ ଚୋରା ବେପାରୀଙ୍କ ମଧ୍ୟରେ ଲାଗି ରହିଥିବା ପୂର୍ବ ଶତ୍ରୁତାରୁ ଏପରି ସଂଘର୍ଷ ଘଟିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି।ପଥରା ଓଡ଼ିଆ ସାହିର ଧନୁ ପଲେଇ ଗାଁରେ ଥିବା ଏକ ସରକାରୀ ଲାଇସେନ୍ସ ପ୍ରାପ୍ତ ଦେଶୀ ମଦଭାଟି ଚଳାଉଥିଲେ। ଲକ୍ଡାଉନ୍ ଯୋଗୁ ସରକାରୀ ଭାଟି ବନ୍ଦ ପରେ ଗାଁରେ ଚୋରାମଦ ବେପାର ବଢିଥିଲା। ଜୁଲାଇ ୧ରୁ ସରକାର ମଦ ଦୋକାନ ଖୋଲିବାକୁ ନିର୍ଦ୍ଦେଶ ଦେବାପରେ ଚୋରା ବେପାରୀଙ୍କ କାରବାର ବନ୍ଦ ହୋଇଯାଇଥିଲା। ଏନେଇ ଉଭୟ ପକ୍ଷ ମଧ୍ୟରେ ଛକାପଞ୍ଝା ଲାଗି ରହିଥିଲା।ମଝିସାହି ଛକରେ ଥିବା ମଣ୍ଡପରେ ରାତି ପ୍ରାୟ ୯ଟାରେ ଖଟିଆ ସାହିର ପିଣ୍ଟୁ ଦାସ, ରଞ୍ଜନ ଭାଙ୍ଗ, ଧ୍ରୁବ ଟହଲ, ସୁମନ ସୁବୁଦ୍ଧି ଓ ସଞ୍ଜୟ ସୁବୁଦ୍ଧି ବସିଥିଲେ। ପଥରା ଓଡ଼ିଆ ସାହିର ଧନୁ ପଲେଇ ଏବଂ ତାଙ୍କ ସହଯୋଗୀ ସେଠାରେ ପହଞ୍ଚତ୍ବା ପରେ କୌଣସି ବିଷୟକୁ ନେଇ ଉଭୟ ଗୋଷ୍ଠୀ ମଧ୍ୟରେ ବଚସା ହୋଇଥିଲା। ପରେ ଖଣ୍ଡା କାତିରେ ପରସ୍ପରକୁ ଆକ୍ରମଣ କରିଥିଲେ। ସ୍ଥାନୀୟ ଲୋକେ ପହଞ୍ଚତ୍ ଆହତମାନଙ୍କୁ ଖଲ୍ଲିକୋଟ ଡ଼ାକ୍ତରଖାନାକୁ ନେଇଥିଲେ। ସେଠାରେ ଡାକ୍ତର ପିଣ୍ଟୁଙ୍କୁ ମୃତ ଘୋଷଣା କରିଥିଲେ। ରଞ୍ଜନଙ୍କ ଅବସ୍ଥା ଗୁରୁତର ଥିବାରୁ ପରିବାର ଲୋକେ ଭୁବନେଶ୍ୱରର ଏକ ଘରୋଇ ହସ୍ପିଟାଲକୁ ନେଇଛନ୍ତି। ସେହିପରି ଧ୍ରୁବ, ସୁମନ, ଧନୁ, ତୋଫାନଙ୍କୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ଶନିବାର ଗ୍ରାମରେ ଉତ୍ତେଜନା ଲାଗିରହିଛି। ଖଟିଆ ସାହିର ଶତାଧିକ ମହିଳା, ପୁରୁଷ ଗାଁ ମୁଖ୍ୟରାସ୍ତା ଅବରୋଧ କରି ରଖିଛନ୍ତି। ଛତ୍ରପୁର ଆଡିସନାଲ ଏସ୍ପି ଠାକୁର ପ୍ରସାଦ ପାତ୍ର, ଏସ୍ଡିପିଓ ଗୌତମ କିଷାନ, ଖଲ୍ଲିକୋଟ ଥାନାଧିକାରୀ ସତ୍ୟରଞ୍ଜନ ପ୍ରଧାନ ୨ ପ୍ଲାଟୁନ୍ ଫୋର୍ସ ସହ ଗଁାରେ ପହଞ୍ଚତ୍ ଲୋକଙ୍କୁ ବୁଝାଶୁଝା କରୁଛନ୍ତି। ଖଲ୍ଲିକୋଟ ପୋଲିସ ମାମଲା (ନଂ.୨୬୭/୨୦) ରୁଜୁକରି ୪ଜଣଙ୍କୁ ଗିରଫ କରିଛି। ମଝିସାହି ଛକରେ ଥିବା କେତେକ କ୍ୟାବିନ୍କୁ ଉତ୍ତ୍ୟକ୍ତ ଲୋକେ ଭାଙ୍ଗି ଦେଇଛନ୍ତି।
