ବାଲେଶ୍ୱର ଅଫିସ,୧୮।୧୧: ଜିଏସ୍ଟି (ଗୁଡ୍ ସର୍ଭିସ୍ ଟ୍ୟାକ୍ସ) ଠକେଇ ଅଭିଯୋଗରେ ଏନଫୋର୍ସମେଣ୍ଟ ଟିମ୍ ପକ୍ଷରୁ ବୁଧବାର ବାଲେଶ୍ୱର ଜିଲାର ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା। ସହରର ସିନେମା ହଲ୍ ଛକ ନିକଟସ୍ଥ ପଣ୍ଡା ଫର୍ନିଚର ଶୋ’ରୁମ୍ ଏବଂ ଉକ୍ତ ମାଲିକଙ୍କ ଅନ୍ୟ ଏକ ୟୁନିଟ୍ ସଦର ଥାନା ଅଧୀନ ବିରୁହାଁ ଛକ ନିକଟରେ ଥିବ ନୀଳଚକ୍ର ଫର୍ନିଚର ଉପରେ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ଖାତାପତ୍ର ତନଖି କରାଯାଇଥିଲା। ପୋଲିସ ଉପସ୍ଥିତିରେ ଦୁଇଜଣିଆ ଅଫିସର ଟିମ୍ ପ୍ରାୟ ୨ ଘଣ୍ଟାରୁ ଊର୍ଦ୍ଧ୍ୱ ସମୟ ଧରି ଯାଞ୍ଚ କରିଥିଲେ। ଶୋରୁମ୍ରେ କିଣାବିକା ଏବଂ ଗଚ୍ଛିତ ଥିବା ସମସ୍ତ କାଗଜପତ୍ରକୁ ଯାଞ୍ଚ କରାଯାଉଛି। ତଦନ୍ତ ସରିବା ପରେ ଜଣାପଡ଼ିବ ବୋଲି ଅଧିକାରୀମାନେ କହିଛନ୍ତି।