ମୁମ୍ବାଇ, ୩୦।୪ : ଆଇପିଏଲ୍ ସିଜିନ୍ର ୧୫ତମ ସଂସ୍କରଣର ୪୩ ତମ ମ୍ୟାଚ୍ରେ ଶନିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ବିପକ୍ଷରେ ଗୁଜରାଟ ଟାଇଟନ୍ସ(ଜିଟି) ବିଜୟୀ ହୋଇଛି।
ଧାର୍ଯ୍ୟ ୧୭୧ ରନ୍ ରପିଛା କରି ଜିଟି ୧୯.୩ ଓଭରରେ ୪ ଓ୍ବିକେଟ ହରାଇ ୧୭୪ ରନ୍ ହାସଲ କରିଥିଲା। ମହାରାଷ୍ଟ୍ର ମୁମ୍ବାଇର ବ୍ରେବୋର୍ନ ଷ୍ଟାଡିୟମ୍ରେ ଖେଳାଯାଉଥିବା ଏହି ମ୍ୟାଚ୍ରେ ଆରସିବି ପକ୍ଷରୁ ଅଧିନାୟକ ଫାଫ ଡୁ ପ୍ଲେସିସ ଟସ ଜିଣିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଜିଟିର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଟିମ୍ ବୋଲିଂ ଆରମ୍ଭ କରିଥିଲେ।
ଜିଟି ପକ୍ଷରୁ ରିଦ୍ଧିମାନ ଶାହା ୨୨ ବଲ୍ରେ ୨୯ ରନ୍ କରିଥିବାବେଳେ ଶୁବନାମ୍ ଗିଲ୍ ୨୮ ବଲ୍ରେ ୩୧ ରନ୍ କରିଥିଲେ। ସେହିପରି ଶାଇ ସୁଦର୍ଶନ ୧୪ ବଲ୍ରେ ୨୦ ରନ୍ କରିଥିଲେ। ଡେଭିଡ୍ ମିଲର ୨୪ ବଲ୍ରେ ୩୯ ରନ୍ ଏବଂ ରାହୁଲ ତଓ୍ବୋତିଆ ୨୫ ବଲ୍ରେ ୪୩ ରନ୍ କରିଥିଲେ।
ନିର୍ଦ୍ଧାରିତ ୨୦ ଓଭରରେ ଆର୍ସିବି ୬ ଓ୍ବିକେଟ ହରାଇ ୧୭୦ ରନ୍ କରିଥିଲା। ଫଳରେ ଜିଟି ପାଇଁ ବିଜୟ ଲକ୍ଷ୍ୟ ୧୭୧ ରନ୍ ରହିଥିଲା।
ଆର୍ସିବି ପକ୍ଷରୁ ବିରାଟ କୋହଲି ୫୩ ବଲ୍ରେ ୫୮ ରନ୍ କରିଥିବାବେଳେ ଅଧିନାୟକ ଫାଫ ଡୁ ପ୍ଲେସିସ୍ ଖାତା ଖୋଲି ପାରି ନ ଥିଲେ। ରଜତ ପଟିସାର ୩୨ ରନ୍ରେ ୫୨ ରନ୍ କରିଥିଲେ। ସେହିପରି ଗ୍ଲେନ୍ ମ୍ୟାକ୍ସଓ୍ବେଲ ୧୮ ବଲ୍ରେ ୩୩ ରନ୍ ଏବଂ ଦିନେଶ କାର୍ତ୍ତିକ ୩ ବଲ୍ରେ ୨ ରନ୍ କରିଥିଲେ।