ବର୍ତ୍ତମାନ ଲୋକମାନେ ବହୁତ ଫ୍ୟାଶନେବୁଲ ହୋଇଯାଇଛନ୍ତି। ଭିନ୍ନ ଷ୍ଟାଇଲ୍ ଏବଂ ଧାରା ଅନୁଯାୟୀ ପୋଷାକ ପିନ୍ଧିବାର ଶୈଳୀ ମଧ୍ୟ ବଦଳିଯାଇଛି। କେତେବେଳେ ଫ୍ୟାଶନରେ ଟାଇଟ୍ ଜିନ୍ସକୁ ପସନ୍ଦ କରାଯାଏ ତ ଆଉ କେତେବେଳେ ଢିଲା ଜିନ୍ସକୁ। ଠିକ୍ ସେହିପରି ଏବେ ଲୋକପ୍ରିୟ ବ୍ରାଣ୍ଡ ‘ଗୁଚି’ର ଏକ ନୂଆ ଜିନ୍ସର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଜିନ୍ସକୁ ଦେଖିବା ପରେ ଜଣେ ସାଧାରଣ ବ୍ୟକ୍ତି ଏହାକୁ କିଣିବା ପାଇଁ ଆଦୌ ହେଲେ ପସନ୍ଦ କରିବ ନାହିଁ। କିନ୍ତୁ ଫ୍ୟାଶନ ଦୂନିଆରେ ଏହାର ଚାହିଦା ବହୁତ ରହିଛି। ଦେଖିବାକୁ ଏହା ପୂରୁଣା ଏବଂ ମଇଳା ପରି ଲାଗୁଥିବା ବେଳେ ଏହାର ମୂଲ୍ୟ ରହିଛି ୫୬ ହଜାର ୫ଶହ ଟଙ୍କା। ଗୁଚିର ଓ୍ବିଣ୍ଟର ୨୦୨୦ କଲେକ୍ସନର ଏହି ଜିନ୍ସ ବଜାରକୁ ଆସିବା ପୂର୍ବରୁ ଚର୍ଚ୍ଚାରେ ରହିଛି। ପ୍ରସିଦ୍ଧ ଇଟାଲୀ ବ୍ରାଣ୍ଡର ଏହି ଜିନ୍ସକୁ ଏପରି ତିଆରି କରାଯାଇଛି ଯେ, ଦେଖିଲେ ଏହା ପୁରୁଣା ଜିନ୍ସ ପରି ମନେହେବ। ଏଥିରେ ଦାଗ ଲାଗିବା ପରି ମନେ ହେଉଥିବା ବେଳେ ଏହାର ପାଦ ନିକଟରେ ଘାସପରି ଚିହ୍ନ ରହିଛି। ଏହି ଜିନ୍ସକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। କେହି କେହି ଏହାକୁ ପସନ୍ଦ କରୁଥିବା ବେଳେ ଆଉ କେହି ଏହାକୁ ବେକାର ବୋଲି କହୁଛନ୍ତି।
