କାନାଡାର ସାଇକେଲ ଚାଳକ ରବର୍ଟ ମରେ ନିକଟରେ ନିଜ ସାଇକେଲ ଚାଳନାକୁ ନେଇ ଗିନିଜ ଓ୍ବାର୍ଲଡ ରେକର୍ଡସ୍ରେ ସ୍ଥାନ ପାଇଛନ୍ତି। ୧୩୦.୨୯ କି.ମି.ରାସ୍ତାକୁ ସେ ହାତ ଛାଡି ଅର୍ଥାତ୍ ହ୍ୟାଣ୍ଡଲ ନ ଧରି ସାଇକେଲ ଚଳାଇ ଉକ୍ତ ରେକର୍ଡ କରିଛନ୍ତି। ସେପୁଣି ୫ ଘଣ୍ଟା ୩୭ ମିନିଟରେ। ଏଥିରେ ତାଙ୍କର ଅତୁଳନୀୟ ସନ୍ତୁଳନ, ସହନଶକ୍ତି ଓ ଲକ୍ଷ୍ୟ ହାସଲ ପ୍ରତି ନିଷ୍ଠାର ଝଲକ ଦେଖିବାକୁ ମିଳିଥିଲା। ରବର୍ଟଙ୍କର ପିଲାଟି ଦିନରୁ ସାଇକେଲ ଚାଳନା ପ୍ରତି ଭଲ ପାଇବା ଥିଲା। ହାତ ଛାଡି ସାଇକେଲ ଚଳାଇବାର ପ୍ରୟାସ ସେ ସବୁବେଳେ କରୁଥିଲେ। ପ୍ରଥମେ ପ୍ରଥମେ ତ ସେ ଅଳ୍ପ କିଛି କି.ମି. ହାତ ଛାଡି ଚଲାଇବା ବି କଷ୍ଟକର ହୋଇପଡ଼ୁଥିଲା। ହେଲେ ଲଗାତାର କଠିନ ପରିଶ୍ରମ ପରେ ଏତେ ବାଟ ବିନା ହ୍ୟାଣ୍ଡେଲ ଧରି ଚଳାଇବାରେ ସକ୍ଷମ ହେଲେ। ଏହାବାଦ ରବର୍ଟ କହନ୍ତି, ‘ମୋ ଜେଜେମା’ ଅଲଝାଇମର୍ ରୋଗୀ ଥିଲେ।ଏହି ରୋଗରେ ତାଙ୍କ ଜୀବନ ବି ଯାଇଥିଲା। ମୋ ଜେଜେମା’ ଚାହୁଁଥିଲେ ମୁଁ ଅଲଝାଇମର୍ ରୋଗୀଙ୍କୁ ସାହାଯ୍ୟ କରିବା ଲାଗି ଏଭଳି ଦୁଃସାହସିକ କାର୍ଯ୍ୟ କରି ଅର୍ଥ ଯୋଗାଡ କରେ। ତେଣୁ ଏଭଳି ସାଇକେଲ ଚଳାଇବା ମୁଁ ଜାରି ରଖିଛି।’