ଗାନ୍ଧିନଗର,୧୪ ।୧୧: ବେଳକୁ ବେଳ ସରଗରମ ହେଲାଣି ଗୁଜରାଟର ରାଜନୈତିକ ବାତାବରଣ । ଏବେ ପ୍ରାୟ ସମସ୍ତ ରାଜନୈତିକ ଦଳ ପ୍ରାର୍ଥୀ ସେମାନଙ୍କ ପ୍ରାର୍ଥୀ ଘୋଷଣା କରିବାରେ ବ୍ୟସ୍ତ ଅଛନ୍ତି । କଂଗ୍ରେସ ପକ୍ଷରୁ ଏଥର ରବିବାର ଆଉ ୩୯ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ଦଳ ପକ୍ଷରୁ ବଡଗାମ ଆସନରେ ଜିଗ୍ନେଶ ମେୱାଣିଙ୍କୁ ପ୍ରାର୍ଥୀ କରାଯାଇଛି । ପ୍ରଥମେ ୬ ଜଣ ପ୍ରାର୍ଥୀଙ୍କ ପଞ୍ଚମ ତାଲିକା ଜାରି କରାଯାଇଥିଲା, ଏଥିରେ ମନହର ପଟେଲଙ୍କ ନାମ ରହିଛି । ତାଙ୍କୁ ବାଟୋଦରୁ ରମେଶ ମେରଙ୍କ ସ୍ଥାନରେ ଟିକେଟ ଦିଆଯାଇଛି । ଏହାପରେ ସନ୍ଧ୍ୟାରେ ଆଉ ୩୩ ଜଣ ପ୍ରାର୍ଥିଙ୍କ ତାଲିକା ଜାରି କରାଯାଇଛି ।
ସୂଚନାଯୋଗ୍ୟ, କଂଗ୍ରେସ ଏବେ ପର୍ଯ୍ୟନ୍ତ ୧୪୨ ଜଣ ପ୍ରାର୍ଥୀଙ୍କ ନାମ ଘୋଷଣା କରି ସାରିଲାଣି । ପଞ୍ଚମ ସୂଚି ଅନୁସାରେ ମୋରବିରୁ ଜୟନ୍ତି ଜେରାଜଭାଇ ପଟେଲ, ଜାମନଗର ଗ୍ରାମୀଣରୁ ଜୀବନ କୁଂଭରୱାଦିୟା ଆଦିଙ୍କୁ ଟିକେଟ ଦିଆଯାଇଛି । ସୂଚନାଯୋଗ୍ୟ, ୪ ନଭେମ୍ବରରେ କଂଗ୍ରେସ ତା’ର ପ୍ରଥମ ପ୍ରାର୍ଥି ତାଲିକା ଘୋଷଣା କରିଥିଲା ।