ଗାନ୍ଧିନଗର,୨୫ ।୩: ସାବରମତି ସମେତ ଗୁଜରାଟର ୧୭ ଜେଲରେ ଶୁକ୍ରବାର-ଶନିବାର ମଧ୍ୟ ରାତିରେ ଚଢାଉ କରାଯାଇଛି । ଏସବୁ ଜିଲାରୁ କିଛି ମୋବାଇଲ ଫୋନ ଜବତ କରାଯାଇଛି । ଗୃହମନ୍ତ୍ରୀ ହର୍ଷ ସଂଘବି କଂଣ୍ଟ୍ରୋଲ ରୁମରୁ ଚଢାଉର ଲାଇଭ ମନିଟରିଂ କରିଛନ୍ତି । ସାବରମତି ଜେଲରେ ହିଁ ଆତିକ ଅହମଦ ବନ୍ଦ ରହିଛନ୍ତି । ରେଡ ପଛର କାରଣ ହେଉଛି ବେଆଇନ କାମର ପର୍ଦ୍ଦାଫାଶ କରିବା । ଏହାସହ ନିୟମ ଅନୁଯାୟୀ, କଏଦୀଙ୍କୁ ଉଚିତ ବ୍ୟବସ୍ଥା ମିଳୁଛି ନା ନାହିଁ ତାହା ମଧ୍ୟ ନଜର କରିବା । ଏହି ସୂଚନା ଗୁଜରାଟର ଡିଜିପି ବିକାଶ ସହାୟ ଦେଇଛନ୍ତି ।
ସମାଚାର ଏଜେନ୍ସି ଏଏନଆଇର ସୂଚନା ଅନୁଯାୟୀ, ସାରା ରାତି ୧୭୦୦ ପୋଲିସକର୍ମୀ ସାବରମତି ସମେତ ଗୁଜରାଟର ୧୭ ଜେଲରେ ରେଡ କରିଛନ୍ତି । ଜେଲରୁ କିଛି ମୋବାଇଲ ଫୋନ ଜବତ କରାଯାଇଛି । ଏହି ଚଢାଉର ମନିଟରିଂ ଗୃହମନ୍ତ୍ରୀ ହର୍ଷ ସାଂଘବି କରିଛନ୍ତି । ଏହାସହ ଗୃହ ବିଭାଗର ବରିଷ୍ଠ ଅଧିକାରୀ ଓ ପୋଲିସ ଭବନରେ ବରିଷ୍ଠ ପୋଲିସ ଅଧିକାରୀ କରିଛନ୍ତି । ପୋଲିସର ସୂଚନା ଅନୁଯାୟୀ, ରେଡ ଶନିବାର ସକାଳ ଅର୍ଥାତ୍ ୨୫ ମାର୍ଚ୍ଚ ପର୍ଯ୍ୟନ୍ତ ଜାରି ରହିଥିଲା ।
ଡିଜିପି ବିକାଶ ସହାୟ କହିଛନ୍ତି, ଏହି ଚଢାଉରେ ସ୍ନିପର ଡଗ ବି ସାମିଲ ହୋଇଛନ୍ତି ଓ ସମ୍ପୂର୍ଣ୍ଣ ଚଢାଉର ରେକର୍ଡିଂ ବି କରାଯାଉଛି । ଏହାର ଲାଇଭ ଟେଲିକାଷ୍ଟ ଆମେ ଗାନ୍ଧିନରର ଷ୍ଟେଟ କଣ୍ଟ୍ରୋଲ ରୁମରେ ବି ଦେଖିପାରୁଛୁ ।