ଅହମଦାବାଦ,୫ ।୫: ବିଧାୟକ ଜିଗ୍ନେଶ ମେୱାନି ଓ ଏନ୍ସିପି ନେତା ରେଶମା ପଟେଲଙ୍କୁ ମେହଶାଣାର ଏକ କୋର୍ଟ ୩ ମାସର ଦଣ୍ଡ ବିଧାନ କରିଛନ୍ତି । କୋର୍ଟ ଦୋଷୀଙ୍କ ଉପରେ ୧ ହଜାର ଟଙ୍କା ଜରିମାନା ବି ଲଗାଇଛନ୍ତି । କୋର୍ଟ ଏହି ମାମଲାରେ ରେଶମା ପଟେଲ ଓ ମିୱାନି ସମେତ ୧୨ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛନ୍ତି ।
ଗୁଜରାଟ ମେହସାଣା କୋର୍ଟ ୨୦୧୭ର ସ୍ୱତନ୍ତ୍ରତା ମାର୍ଚ୍ଚ ରାଲି ମାମଲାରେ ଏହି ସଜା ଶୁଣାଇଛନ୍ତି । ଅଭିଯୋଗ ଥିଲା କି ବିନା ଅନୁମତିରେ ସ୍ୱତନ୍ତ୍ରତା ମାର୍ଚ୍ଚ ବାହାର କରାଯାଇଥିଲା । ଏହି ମାମଲାରେ ଏନ୍ସିପି ନେତା ରେଶମା ପଟେଲ କହିଛନ୍ତି, ଆମେ କୋର୍ଟଙ୍କ ରାୟର ସମ୍ମାନ କରୁଛୁ । ହେଲେ ଲୋକଙ୍କ ପାଇଁ ନ୍ୟାୟ ମାଗିବା ଭାଜପା ଶାସନରେ ଏକ ଅପରାଧ । ଭାରତୀୟ ଜନତା ପାର୍ଟି(ଭାଜପା) ଆଇନର ମିଛ ଭୟ ଦେଖାଇ ଆମ ସ୍ୱରକୁ ଦବାଇ ଦେଇ ପାରିବ ନାହିଁ । ଆମେ ଜନତାଙ୍କ ନ୍ୟାୟ ପାଇଁ ସର୍ବଦା ଲଢିବୁ ।
