ଗାନ୍ଧିନଗର,୨୧ ।୧୨: ଗୁଜରାଟର ଭଦୋଦରାରେ ସୋମବାର ବ୍ରିଟେନରୁ ଫେରିଥିବା ଜଣେ ମହିଳା ଓମିକ୍ରନ୍ ଦ୍ୱାରା ସଂକ୍ରମିତ ହୋଇଥିବା ଜଣାପଡିଛି । ୨୭ ବର୍ଷିୟା ମହିଳାଙ୍କ ନିକଟରେ କୌଣସି ଲକ୍ଷଣ ଦେଖାଯାଇ ନ ଥିବା ବେଳେ ସେ କିନ୍ତୁ ଓମିକ୍ରନରେ ସଂକ୍ରମିତ ହୋଇଛନ୍ତି । ବ୍ରିଟେନରୁ ମୁମ୍ବାଇ ଦେଇ ସେ ଗୁଜରାଟ ଫେରିଥିବା ବେଳେ ବିମାନ ବନ୍ଦରରେ ଟେଷ୍ଟ ସମୟରେ ତାଙ୍କର କରୋନା ରିପୋର୍ଟ ନେଗେଟିଭ ଆସିଥିଲା । ଏହାପରେ ତାଙ୍କୁ ଜ୍ୱର ହେବାରୁ ସେ କରୋନା ଟେଷ୍ଟ କରିଥିଲେ ଏଥିରେ ସେ ଓମିକ୍ରନ୍ ଭାରିଏଣ୍ଟ ଦ୍ୱାରା ସଂକ୍ରମିତ ହୋଇଥିବା ଜଣାପଡିଥିଲା । ଏହାକୁ ନେଇ ଏବେ ଗୁଜରାଟରେ ଓମିକ୍ରନ୍ ସଂକ୍ରମିତଙ୍କ ସଂଖ୍ୟା ୧୨ରେ ପହଞ୍ଚିଛି । ମହିଳା ଜଣକ ୧୩ ଡିସେମ୍ବରରେ ବ୍ରିଟେନରୁ ଫେରିଥିଲେ । ଅନ୍ୟପଟେ ରାଜ୍ୟରେ ପୁଣିଥରେ କରୋନା ସଂକ୍ରମଣ ବୃଦ୍ଧିକୁ ଦେଖି ସରକାର ନାଇଟ୍ କର୍ଫ୍ୟୁର ଅବଧିକୁ ବୃଦ୍ଧି କରିଛନ୍ତି । ସେଠାରେ ୩୧ ଡିସେମ୍ବର ପର୍ଯ୍ୟନ୍ତ ନାଇଟ୍ କର୍ଫ୍ୟୁ ରହିବ । ଦିନ ୧ଟାରୁ ଭୋର ୫ଟା ପର୍ଯ୍ୟନ୍ତ ଅହମଦାବାଦ, ସୁରଟ, ରାଜକୋଟ, ଜୁନାଗଡ, ଜାମନଗର, ଭାବନଗର, ଗାନ୍ଧିନଗର ଓ ଭଦୋଦରାରେ ଏହି ନାଇଟ୍ କର୍ଫ୍ୟୁ ଲାଗୁ କରାଯିବ । ନୂଆ ଗାଡଲାଇନ ଅନୁଯାୟୀ ନାଇଟ କର୍ଫ୍ୟୁର ଅବଧିକୁ ୩୧ ଡିସେମ୍ବର କରାଯାଇଛି ।
