ଯାଜପୁର ଅଫିସ,୨୦ା୭: ଯାଜପୁର ଜିଲା କଳିଙ୍ଗନଗର ଥାନା ସୁକିନ୍ଦା ବ୍ଲକ ପିଙ୍ଗଳ ପଞ୍ଚାୟତ ଅନ୍ତର୍ଗତ ନିମପଲ୍ଲୀ ଗ୍ରାମର ଏକ ଦମ୍ପତିଙ୍କୁ ଗୁଣିଗାରେଡ଼ି ସନ୍ଦେହରେ ରବିବାର ବିଳମ୍ବିତ ରାତିରେ ହତ୍ୟା କରାଯାଇଥିବା ଅଭିଯୋଗ ହୋଇଛି ।
ମିଳିଥିବା ସୂଚନା ଅନୁଯାୟୀ, ସେହି ଗ୍ରାମରେ ଗତ ୨ ସପ୍ତାହ ମଧ୍ୟରେ ୬/୭ ଜଣଙ୍କ ମୃ୍ତ୍ୟୁ ହୋଇଥିଲା। ଗୁଣିଗାରେଡ଼ିର ଶିକାର ହୋଇ ମୃତ୍ୟୁ ଘଟିଥିବା ଗ୍ରାମବାସୀ ସନ୍ଦେହ କରୁଥିଲେ। ଏଥିରେ ଦମ୍ପତିଙ୍କ ହାତଥିବା ସନ୍ଦେହ କରି ସେମାନଙ୍କୁ ହତ୍ୟାକରି ଘର ଜାଳି ଦେଇଥିବା ଜଣାପଡ଼ିଛି। ତେବେ କଳିଙ୍ଗନଗର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛି। ହତ୍ୟାକାଣ୍ଡର ସ୍ପଷ୍ଟ ଚିତ୍ର ଏଯାଏ ମିଳି ପାରିନାହିଁ। ସପ୍ତାହକ ମଧ୍ୟରେ ଦାନଗଦୀ ବ୍ଲକ ଓଳଲ ଗ୍ରାମରେ ଗୁଣିଗାରେଡ଼ି ସନ୍ଦେହରେ ଜଣେ ବୃଦ୍ଧାଙ୍କୁ ହତ୍ୟା କରାଯାଇଛି।