ଗର୍ଜିଲେ ଶାହା: ଟାର୍ଗେଟରେ ସୋନିଆ-ରାହୁଲ

ନୂଆଦିଲ୍ଲୀ,୧୭ ।୧୧: ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା ଗୁପକାର ଗୋଷ୍ଠୀ ସହ ଜଡିତ ଦଳ ଗୁଡିକ ଉପରେ ଖୁବ୍ ବର୍ଷିଛନ୍ତି । ମଙ୍ଗଳବାର ଶାହା କହିଛନ୍ତି ଗୁପକାର ଗ୍ୟାଙ୍ଗର ଗୋଷ୍ଠୀ ଏବେ ବିଶ୍ୱବ୍ୟାପୀ ହୋଇଯାଇଛି । ଏହି ଗ୍ୟାଙ୍ଗ ଉପରେ ତ୍ରିରଙ୍ଗାକୁ ଅପମାନ କରିଥିବା ଅଭିଯୋଗ କରିଛନ୍ତି ଶାହା । ଏହାସହ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଓ ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଟାର୍ଗେଟ କରି ଶାହା ପ୍ରଶ୍ନ କରିଛନ୍ତି ଏମାନେ ଏହି ଗୁପକାର ଗ୍ୟାଙ୍ଗକୁ ସମର୍ଥନ କରିଛନ୍ତି କି । ଏହି ଗ୍ୟାଙ୍ଗ ପୁଣିଥରେ ଜମ୍ମୁ-କଶ୍ମୀରକୁ ଅଶାନ୍ତି ଓ ଆତଙ୍କବାଦ ଯୁଗକୁ ଫେରାଇ ନେଇଥିବା ଅଭିଯୋଗ କରିଛନ୍ତି ଶାହା । ସ୍ୱରାଷ୍ଟ୍ର ମନ୍ତ୍ରୀ ଟୁଇଟ୍ କରି କହିଛନ୍ତି, ଗୁପକାର ଗ୍ୟାଙ୍ଗ ବିଶ୍ୱବ୍ୟାପୀ ହୋଇଗଲାଣି । ସେମାନେ ଚାହୁଁଛନ୍ତି ବିଦେଶୀ ସେନା ଜମ୍ମୁ ଓ କଶ୍ମୀରରେ ହସ୍ତକ୍ଷେପ କରନ୍ତୁ । ଏହି ଗ୍ୟାଙ୍ଗ ଭାରତୀୟଙ୍କ ତ୍ରିରଙ୍ଗାର ବି ଅପମାନ କରିଛନ୍ତି । ତେଣୁ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ କ’ଣ ଏହି ଗ୍ୟାଙ୍କକୁ ସମର୍ଥନ କରୁଛନ୍ତି ବୋଲି ଶାହା ପ୍ରଶ୍ନ କରିଛନ୍ତି ।